Glæsilegt. Vil óska öllum íslensku þáttakendunum góðs gengis!

Ég hefði viljað kíkja en því miður eru flugin héðan frá Hollandi til Stokkhólms ekki ódýr núna – ef ég hefði verið fyrr á ferðinni (gáði fyrir 7-10 dögum) þá hefði maður kannski náð flugi fyrir 20-30 evrur, ohh hvað það hefði verið magnað!

Opni svartbelta flokkurinn er að verða ansi athyglisverður:

Martin Johansson
Marco Canha
Ricardo Oliveira
Gunnar Nelson
Renato de moraes
Felipe Mota
Wellington Megaton
Alan Do Nascimento
Bruno Matias
Victor Costa
Daniel Haglind
Fernando Neto
Nic Ruben Nikolaisen
Thiago Borges
Sandro Vieira
Iran Mascarenhas

Sem sagt fullt af verðlaunahöfum af alþjóðlegum mótum og ljóst að þetta verður hörku keppni. Gaman líka að sjá 2nd degree black belt Iran Mascarenhas þarna en hann er fyrrum gullverðlaunahafi af þessu móti í svartbelta flokki.
Eins og margir eflaust muna þá mættust Gunni og Mascarenhas í hringnum í fyrra þegar Gunnar vann á rothöggi í annarri lotu. Við hittum Mascarenhas í Barcelona um daginn en hann var með einn keppanda í kvennaflokki þar.

Í Gunna þyngdarflokki er sennilega einn sigurstranglegasti keppandi mótsins, Ricardo Oliveira. Ricardo Oliveira er einn besti BJJ keppandi í heimi (í Gi) og þarf nú varla að kynna fyrir mönnum. Hann er í feikna formi þessa dagana og var meðal annars boðinn þátttaka í ADCC World Pro BJJ Cup sem var aðeins fyrir þá bestu í Gi. Hann er jafnframt silfurverðlaunahafi frá síðasta Evrópumeistaramóti (Gi) þar sem hann tapaði naumlega í úrslitum fyrir Alexandre de Souza sem eins og sumir vita vann m.a. þyngsta flokkinn World Pro Jiu Jitsu Cup. Sem dæmi um styrkleika þessa flokks þá lenti Braulio Estima, sem vann bæði sinn flokk og opna flokkinn á ADCC, í fjórða sæti í sínum þyngdarflokki þarna og komst ekki á blað í opnum flokki. Annar sterkur keppandi í Gunna flokki er gullverðlaunahafinn frá Danish Open BJJ 2009, Daniel Haglind, sem jafnframt er silfurverðlaunahafi frá Evrópumótinu. Þannig að þetta stefnir í hörku baráttu ;)

Okkar fólk stóð sig frábærlega í dag. 2 gull, 1 silfur og 2 brons! Sighvatur Helgason vann gull í -88, Auður Olga Skúladóttir vann silfur í -64, Þráinn Kolbeinsson vann brons í -94 og Bjarni Kristjánsson vann brons í -100. Þetta var allt í blábeltaflokkum. Vignir Már Sævarsson vann svo til gullverðlauna í öldungaflokki hvítbelta (36-40 ára). Frábær árangur!

En okkar menn urðu líka fórnalömb ótrúlegs klúðurs mótshaldara. Jóhann Helgason var dæmdur úr leik á þeim forsendum að hann hefði ekki mætt til leiks. Það stóðst auðvitað ekki því Jóhann var þarna og, búinn að skrá sig og borga keppnisgjaldið og tilbúinn í slaginn. Síðar kom í ljós að hann hafði aldrei verið kallaður upp! Þegar þetta uppgötvaðist var orðið og seint að leiðrétta þetta. Mótshaldarar báðust afsökunar, greiddu honum einhverjar skitnar „skaðabætur“ og skráðu hann í opna flokkinn sem þeir einir eiga rétt á að keppa í sem eru í fyrstu þremur sætunum í þyngdarflokkunum.

Opni flokkur svartbelta var einnig í dag og þar var annað klúður! Gunni mætti Thiago “Monstro” Borges (+100) í fyrstu glímu. Gunnar taldi sig vera að vinna glímuna þegar hún endaði, hann væri með 2 stig gegn 1 advantage hjá Thiago en vallardómarinn hafði gefið Thiago 1 adv fyrir Takedown tilraun. Gunnar hélt því að hann væri tveimur stigum yfir þegar glímunni lauk en í millitíðinni hafði einhver starfsmaður mótsins komið að dómaraborðinu og látið þá gefa Thiago tvö stig fyrir þessa Takedown tilraun. Thiago er eitthvað númer þarna og var m.a. líka að dæma á mótinu. Gunni vissi ekki til þess að Thiago hefði fengið neitt advantage annað en fyrir þessa tilraun til Takedown. Thiago virðist því hugsanlega hafa fengið bæði 1 adv og 2 stig fyrir sama hlutinn sem er fræðilega ómögulegt samkvæmt reglunum. Þegar mistökin uppgötvuðust viðurkenndi aðaldómarinn þau og bað Gunnar afsökunar en því miður var orðið of seint að leiðrétta þau því Thiago þegar búinn að glíma aftur og því orðið of seint á láta endurtaka glímuna eða setja hana í framlengingu! Thiago fór alla leið í úrslit í opnum flokki og keppir því til úrslita þar á morgun.

Á morgun keppir okkar fólk í hvítabeltaflokkum (Bjartur Guðlaugsson, Sigurjón Viðar Svavarsson, og Hreiðar Már Hermannsson). Þá keppa verðlaunahafarnir okkar í bláu beltunum ásamt Jóhanni í opnum flokki. Gunnar keppir síðan í sínum þyngdarflokki.

Gunni kominn í úrslitin í -88kg black belt þar sem hann mætir Ricardo Oliveira (kemur ekki á óvart) síðar í dag. Gunni vann undanúrslitin á armbar eftir að hafa verið langt yfir á stigum. Hef ekki aðrar fréttir af okkar fólki. Það var engin nema Gunni búinn að keppa í dag þegar ég talaði við hann.

Gunnar tapaði í gær í úrslitunum fyrir Ricardo Oliveira með einu advantage eftir að glíman endaði 2-2. Þannig að silfur hjá Gunnari í black belt -88kg.
Þráinn lenti í 2. sæti og Sighvatur í því 3ja í opnum flokki blábelta.

Í heildina hlaut því Mjölnir (og þar með Ísland) 2 gull, 3 silfur og 3 brons á Scandinavian Open, þ.a. eitt silfur í black belt. Ekki slæmt hjá ungum klúbbi og sannar enn betur hversu góð kennslan er hjá Mjölni. Frábært.

Hins vegar klúðruðu mótshaldara ansi miklu á þessu móti, sérstaklega gagnvart Jóhanni sem fékk ekki að keppa í gær þrátt fyrir loforð á laugardaginn eftir klúður mótshaldara þá þegar þeir gleymdu að kalla hann upp og DQ-uðu hann. Sannarlega ekki til fyrirmyndar hjá sænsku mótshöldurunum.

En Mjölnir getur vel við unað á sínu fyrsta alþjóðlega móti.