Ég hef nú verið að stúdera tungumál upp á síðkastið, aðallega japönsku og ensku. Mér þætti forvitnilegt að vita hvers vegna íslenskan sé síðra tungumál.

Ég get reyndar sjálfur nefnt nokkrar ástæður sem gætu komið til greina; til dæmis er íslenskan töluð af fámennum hóp en fyrir okkur sem búum á Íslandi ætti það að teljast kostur. Stuðlar til dæmis að sterkari þjóðrækni og sjálfstæði þjóðarinnar.

Einnig er íslenskan talin vera erfitt tungumál þó til séu erfiðari tungumál. Þannig það er oft erfitt fyrir útlendinga að læra hana en hins vegar auðveldara fyrir okkur íslendinga að læra önnur tungumál.

Ég er alls ekki að reyna að vera með einhvern derring við þig. Mér finnst bara að þú mættir vera aðeins stoltari af land, þjóð og tungu.