http://www.smart.is/showphoto.php/photo/5888/limit/recent

Þetta er gott dæmi um jólasvein sem kemur slæmu orði á bardagaíþróttir. Einhver hlunkur sem hefur safnað í kringum sig költi af fólki með minnimáttarkennd sem kýs að bakka upp ruglið í honum af því að ef það er satt þá gefur það þeim sjálfum eitthvað mikilvægi yfir aðra.

Hlunkurinn þykist geta beitt einhverri orku á fólk til að rota það án þess að snerta það. Merkilegt nokk þá virkar þetta bara í salnum hans á hans eigin nemendur á meðan aðrir finna ekki fyrir þessu. Þetta minnir óþægilega á samkomur hjá sjónvarpspredikurum sem slá fólk í gólfið með heilögum anda eða einhverju álíka gáfulegu.

Þetta virkar alveg eins og hvaða költ sem er. Einn ákveðinn forystusauður fyllir upp í tómið í hausnum á hinum með því að telja þeim trú um að þeir séu hluti af einhverju merkilegu sem flestir muni aldrei verða hluti af. Því miður finnst nóg af svona jólum í bardagalistaheiminum.