Minn ferill byrjaði þegar hann Ingþór (vorum saman í grunnskóla, 10 bekk minnir mig) neyddi mig á sínum tíma til að mæta í kickbox hjá Jimmy (þá kennt í GYM80). Þetta hefur líklega verið 1998, það var ekki bara ég, heldur allur vinahópurinn sem mættum þarna, flestir hættu, en ég hélt áfram að æfa þarna, og endaði með að skifta yfir í kung fu hjá jimmy og var einn af fyrstu nemendunum hans (þ.e. þegar hann byrjaði að kenna kung fu af alvöru, ekki bara af og til).

Árið minnir að það hafi verið seint árið 2000 að ég var nokkurn veginn hættur að mæta í Kung Fu'ið, voru ýmsar ástæður sem ég nenni ekki að tíunda, en ég var hættur að mæta á æfingar en saknaði þess, þannig ég byrjaði að mæta á TKD æfingar, aðalega vegna þess að Ármann var í 10 mínútna göngufjarlægð, ég hélst í því í 1.5 ár, fór í keppnisferð til USA og alles sem var afar skemmtilegt. En um mitt ár 2001 var ég að fá meiri og meiri áhuga á MMA að sökum video'a hjá Sherdog. Endaði á gömlu BJJ forum'i sem hét “Intheguard.com” (hætt núna) og fékk email hjá Chris Brennan sem var með svona live-in program.

Skemmst frá því að segja að ég fór til hans sumarið 2002, 18 ára piltur, vissi ekkert hvað ég var að skella mér út í, en ég hafði séð CHOKE og bara varð að æfa þetta. Endaði með að koma heim eftir 3 mánuði og æfa næstum ekkert í 1.5 ár, fyrir utan einstaka æfingu með Jón Gunnari af og til. Þá fór ég aftur til Chris í Janúar 2004, en program'ið var hætt þá þannig ég fékk að eiga heima hjá honum yfir þessa mánuði, var mjög gaman og lærði mikið af því, fékk að hanga með honum í æfingarbúðunum hans uppi í big bear áður en hann fór að keppa í Pride. Gat auðvitað ekkert hjálpað honum, en hann leyfði mér bara að hanga þarna.

Júní 2004 var mér svo boðinn bardagi á móti Hannesi, ég nýkominn mðe bláabelti var aldeilis kokhraustur og tók bardagann þrátt fyrir þyngdarmismun og að ég kynni næstum ekkert standandi, var fullviss um að vinna, en eins og flestir hérna vita fór það ekki alveg eins og planað :)

Ágúst 2004 flutti ég svo til Danmerkur til að fara í háskóla og hef verið að æfa þar í CSA síðan, keppti aftur í nóvember 2004 og tapaði aftur, og svo tapaði ég enn og aftur í febrúar 2006 (eitthvað mynstur í gangi hérna?!), hef þó staðið mig ágætlega í submission wrestling keppnum á norðurlöndum.

Fór aftur út til Chris sumarið 2005 í einn mánuð.

Ég er eins og er í Bandaríkjunum (Kaliforníu) sem skiptinemi og er að reyna að æfa eins mikið og ég get, en það er ekki eins mikið og ég hafði vonað, er aðeins að missa mig í félagslífinu (og meiðslum), en maður nær vonandi að æfa fullt, allavega mikið af fólki að rústa manni hérna.

Jæja, vonandi að maður heyri frá sem flestum.

Minn ferill er nú afskapelga fátæklegur og nýhafinn (Vona ég). í Seinni hluta 10. bekkjar grunnskóla rakst ég á síður á netinu þarsem fjallað var um bardagalistir og eftir mikið af áhugasömu flakki um netið endaði ég á síðu þar sem byrjendaæfingar Þórs (Er Á Akureyri) voru auglýstar og ég ákvað bara að skella mér.

Þegar ég byrjaði (með 11. geup náttlega) voru flestallir byrjendur komnir með 10 geup eða meira og æfingarprógramið var að mestu um að undirbúa 9 geup þannig ég átti mjög erfitt með að komast inní þetta og svo þegar samræmdu prófinn nálguðust flosnaði ég bara uppúr þessu, ennþá hvítbeltingur.

Svo þegar Grunnskóli endaði og Framhaldskóli tók við sá ég frammá að þessar 70-60min af hreifingu sem ég fékk þar yrðu ekki nóg þannig ég ákvað að fara að stunda íþróttir utan skóla og Það að byrja aftur í Taekwondo-inu lá einhvernmeigin beint við þar sem ég áhugi var ennþá til staðar.

Þá kom ég beint inní hóp sem var líka að udirbúa sig fyir 10. geup og þá fór ég virkilega að komast inní þetta.

Þarsem beltaprófin hérna á Norðurlandi eru bara á 6 mánaða fresti þá er ég “bara” kominn uppí 8. geup síðan þá. En er svosum ekkert að pirra mig yfir því, þolinmæði er hluti af þessu.

Ég hef oft reynt að draga fólk með mér í þetta, hérna er árángurinn:
Tíu lýstu yfir áhuga, af þeim mættu tveir og annar þeirra hætti eftir 10 geup en hin eftir 2 æfingar.

Stefni á að fara að keppa um leið og tækifæri gefst. Í Sparring og Poomse, reyni að þjálfa það jafnt.


Bætt við 4. desember 2006 - 12:38
Heh, hélt ég hefði farið alveg svakalega vel yfir þetta en sé núna að ég gleymdi að taka framm í byrjun að það er Taekwondo sem ég iðka…silly me

Ég byrjaði þegar ég var níu ára júdó en fyrir það hafði ég verið í tennis. Samt þegar ég var í tennis langai mig alltaf að vera í bardagaíþróttum og var byrjuð að ‘fljúgast á’ við nokkra vini mína. Seinna urðu þeir bardagar talsvert þróaðri og við notuðum prik við að slást. Ég kláraði 2 ár í júdóinu og tók appelsínugula beltið en hætti svo í uþb eitt ár og prófaði aðrar íþróttir eins og fótbolta en byrjaði að sakna júdósins aftur. Ég byrjaði aftur í júdóinu eftir eins árs hlé, en hluturinn sem ýtti helst á eftir mér að byrja aftur var að það var búið að stofna júdófélag í sveitafélaginu mínu. Það júdófélag entist ekki mjög lengi svo að hálfu ári seinna byrjaði e´g aftur í gamla júdófélaginu mínu JR. Ég byrjaði á fullorðinsæfingum í byrjun þessa árs semað var vægast sagt mikil breyting því að það eru mjög margar og krefjandi æfingar en þetta er allt orðið þess virði því ég er búin að standa mig vel á býsna mörgum keppnum og er að fara að taka brúna beltið :D. Finnst samt endilega að fleiri stelpur ættu að fara út í bardaíþróttir.

Byrjaði í karate hjá Fylki samhliða fótbolta þegar ég var 10.ára og æfði þangað til að ég varð 13 og fékk fjólublatt belti.
Svo hætti ég bralla þetta þangað til í fyrrahaust að ég ákvað að prófa eina æfingu í Mjölni þar sem ég, félagi minn og tveir aðrir voru á æfingunni.
Þá varð ég alveg húkkt en hafði ekki tíma útaf fótboltanum þannig að í janúar þegar ég hætti í fótboltanum lá leiðin beint í Mjölni og ég er buinn að vera að æfa þar síðan(æfa og ekki æfa, er ekki búinn að mæta í einhverja 2-3 mánuði:).

Byrjaði í júdó hjá JR einhverntíman þegar ég var svona 12 ára, hætti stuttu áður en ég tók bláa beltið.
Nokkrum árum seinna fór mig að langa aftur til að æfa eitthvað svona, þannig að ég kíkti á júdóæfingar hjá JR í svona mánuð, fannst það ekki jafn spennandi og áður þannig að ég byrjaði þá í Muay thai í Pumping Iron, var þar í ca. hálft ár, þangað til núna í byrjun sumarsins.
Núna er ég eiginlega bara að spá í Bujinkan en get ekki mætt á þær æfingar sem eru vegna þess að núna bý ég á Akureyri, en flyt aftur suður eftir svona 2 vikur þannig að þá mun ég æfa þar. :-D
Spurning samt hvort maður byrji hjá Mjölni eða eitthvað, fer eftir því hvað ég hef tíma og nennu í.
(“nenna” (sem nafnorð, kvenkyni) er gott orð)

Enginn hjá mér, en hef áhuga.
Ætli maður sé ekki orðinn of gamall fyrir þetta. :)

Bý líka úti á landi þar sem einungis er lögð áhersla á körfubolta, en flyt líklegast í bæinn eftir áramót.
Kannski getur einhver bent nýliða á, á hverju væri best að byrja, og hvar getur maður nálgast helstu upplýsingar?

Árið 1999 ef ég man rétt fór á mína fyrstu kickbox æfingu hjá Jimmy og varð ástfanginn um leið. Við byrjuðum þrír félagarnir að æfa og áður en ég vissi var ég einn eftir. Frábær tími. Kynntist meðal annars SOAD og uppgvötaði ótrúlega fallegu spörkin mín og liðleika.

Uppúr 2001 datt kickboxxið upp fyrir og áhugi minn kviknaði á lyftingum sem áttu allan minn hug og hjarta næstu árin. Ég keypti mér bæði boxpúða og bekkpressu og í nánast heilt ár hittumst við vinirnir og lyftum, boxxuðum í púða og stunduðum stórhættulegt bílskúrsbox lengi vel. Fórum einnig að prófa okkur áfram í gannislag (gólfglímu) en alla tækni vantaði en áhugann vantaði ekki.

Í kringum 2002 keypti ég mér kort hjá Jimmy og fór að lyfta í PI, tók einstakar Kickbox æfingar og hafði mjög gaman af gólfglímu. Glímdi óendanlega oft við Árna Ísaks og tapaði í hvert einasta skipti en var þó orðin heldur seigur og mjög sterkur. Árið 2003 sló ég mitt fyrsta Íslandsmet í bekkpressu og var einungis 75 kg að þyngd.

Á seinasta ári (2005) var ég dreginn á Júdó æfingu í Júdófélagi Reykjavíkur eftir að ég skoraði bæði Arnar Frey og Snævar júdómeistara í grappl og síðan þá hef ég ekki sleppt úr æfingu og er kominn með appelsínugult belti. Ég tapaði á móti Arnari og gerð jafntefli við Snævar þótt hann hafi tátt glímuna. Lyftingarnar fara hér hér að vera númer tvö á eftir Júdóinu en ég sló þó mitt annað Íslandsmet í bekkpressu nú 90 kg í febrúar árið 2006. Vann minn flokk á seinasta Open Mat hjá Mjölni sem var í febrúar/mars á þessu ári.

Ég hef óbilandi áhuga á MMA en áhugi minn hefur með tímanum og þyngdinni færst meira að glímu (standandi og gólf) og meira frá striking. Þó það sé meira spennandi að horfa á striking ;P

BRJÁLAÐAR ÆFINGAR FRAMUNDAN… eins og tíminn leyfir. Auðvitað langar manni að æfa miklu meira og fleiri bardagalistir en um leið langar manni að ná mörgum öðrum árangrum í lífinu. Þetta er erfitt líf ;)

Bætt við 4. desember 2006 - 14:07
vantar þarna inn "..og meira frá striking en þó er ég til í að STRIKA hvenar sem er"

Væri ekki rétt að eyða út læsta þræðinum hér að ofan um sama efni? Óþarfi að láta hann flækjast fyrir mönnum. Virkar bara ruglandi.

minn ferill byrjar um leið og þið ráðist á mig skiljiði.. ég hef samt þjálfað skjadlbökur, flatbökur og ketti, í hin ýmsu hitman project sem ég þarf, einsog að taka mýs, pepperóní og tímann af lífi aight? ef þetta er of flókið kalla ég þetta karatarataratedó

ég tek jack-5 á þetta, þið komið e-h með kínversk öskur, hvíta sloppa einsog í júdó, með 19 ára þrekæfingar og bardagacombofokkeduppasnalegtenógeðslegatöffíbíómyndum dæmi skilrr…

þið komið hlaupandi, takið 15 heiljastökk, brjótið hellur með hausnum, takið svefntök á gömlum konum sem labba yfir götuna, dettið í poll, þrífið gallann, farið út aftur í sömu stellingu og verðið e-h svona “kúng pow nú fang du ko pæng púff” hverfið og birtist uppvið mig og ætlið að gera ykkur klára að gera bragð, þegar ég lem ykkur með jarnröri í hausinn.. og ef það virkar ekki, stendur vinur minn fyrir aftan ykkur með byssu og þið doddsið ekki bæði í einu svo ég vinn..


nei nei annas tek ég bara koddhnýs, segi xiaouy xiujujiy og tek næsta leigubíl niðrá löggustöð og klaga haha..

pauz

Fyrir einhverjum árum þegar ég fékk leið á fótbolta fórum ég og vinur minn að prófa allar aðrar íþróttagreinar sem voru kenndar í bænum. M.a. Tae Kwon Do og Júdo. Mér líkaði hvorugt svo ég spáði ekkert meira í þessu.

Svo í níunda bekk var ég aftur dreginn á Tae Kwon Do æfingu en líkaði þetta ekki heldur þá:

Síðan í haust breyttist viðhorf mitt til íþrótt algjörlega, eftir að hafa eitt öllu sumrinu í WoW fattaði ég að þetta var ekkert að ganga og eyddi honum úr tölvunni og fór að lyfta 4x í viku með vinum mínum. 1-2 mánuðum eftir það fattaði ég að ég þyrfti einhverja hreyfingu með þessu og þar sem vinir mínir voru í Júdó ákvað ég að prófa það, eftir að var ekki aftur snúið :)

Ég fór að æfa júdó útaf vinur minn var að æfa þetta. ég byrjaði þegar ég var held eg 14 ára minnir mig, æfði þetta í sirka í 2 ár. Ég vann öll mót sem ég tók þátt í, á eina brons medalíu en það var fyrir að keppa í þyngri flokki. þetta er ágætis sport og ég mun koma með til að byrja æfa einhvern timann aftur.
Ég hætti að æfa útaf æfingarnar stönguðust á við fótboltann :

Þegar ég var á ferðalagi í Austurlöndum fjær álpaðist ég upp á snævi þakið fjall þar sem ég hitti fyrir gamlan og vitran asískan munk. Hann tók mig að sér og kenndi mér að virkja Ki orkuna. Næstu 20 árin fóru í að hugleiða nakinn í snjónum. Þegar ég loks opnaði augun á ný og stóð upp….fann ég að ég kunni dauðahöggið.

minn ferill er of langur fyrir að skrifa hérna… skelli frekar bara inn grein eða eitthvað, þið eruð komin með einn partinn eða greining sem ég gerði “Mín reynsla af Judo”…
er alltaf á leiðinni að gera restina… but ya'll know how it go ;) :P

Þegar ég var 7 ára byrjaði ég að æfa Karate.
Ég hætti eftir viku, ég man nú ekki allveg ástæðuna en ég geri ráð fyrir að ég hafi ímyndað mér að ég yrði strax góður og gæti gert eins og í bíómyndunum, svo þegar ég komst að því að svo var ekki fannst mér þetta sennilega ekkert spennandi lengur.

Seinasta vetur fékk ég svolítinn áhuga á lyftingum, og byrjaði að lyfta eitthvað svolítið, en bara samt heima því að ég á heima uppi í sveit og kemst þar af leiðandi ekki í líkamsræktarstöð, en það er líka allveg ágætis aðstaða hérna heima reyndar.

Síðari hluta seinasta vetur byrjaði ég að æfa íslenska bændaglímu, og æfði hana í svona 2-3 mánuði, en það voru engar æfingar yfir sumarið og svo í vetur þegar æfingarnar byrjuðu aftur voru þær á mjög óhentugum tíma fyrir mig þannig að ég er eiginlega hættur í því. Þó að ég reyni að mæta á einstaka æfingar. Bara mætt á eina í vetur samt, hehe.

Í vor/sumar byrjaði ég líka að hafa mjög mikinn áhuga á MMA, Júdó, BJJ og tricking, sem er nú ekki bardagalist reyndar heldur bara allskonar spörk og hopp og vesen. Þarsem MMA og BJJ er bara æft í bænum og það voru engar júdó æfingar yfir sumarið, byrjaði ég sjálfur bara að dunda mér við tricking úti í garði útaf því að ég get gert það einn og þarf ekki að æfa það á neinum öðrum, þar sem það er eingöngu til að looka töff en ekki til að nota í slagsmálum. Svo kom veturinn og þá fór eiginlega að verða svo skítkalt að ég er lítið búinn að æfa mig í því í vetur.

En í haust þegar júdóæfingarnar á selfossi byrjuðu byrjaði ég fljótlega að æfa júdó þar og mér finnst það allveg ótrúlega skemmtilegt. Ég er að með hvíta beltið núna og er að fara að taka gula fljótlega. Ég hef bara keppt á einu móti og ég vann minn flokk, það var að vísu bara kyu mót og það voru bara tveir aðrir í mínum flokk, báðir að æfa með mér á selfossi :P

Ég ætla mér að halda áfram í bardagaíþróttum og vonandi verða eitthvað góður ;)

Bætt við 5. desember 2006 - 00:36
og já, ég er 15 ára núna.

Urmf… Hérna kemur það. Hinn ‘æsispennandi’ ferill Nekrons í hnotskurn:

Sem krakki á skerinu; forðaðist ég íþróttir sem heitan eldinn, en eyddi þá frekar tímanum í laumuspil (njósnir og garðaráp), nokkuð ‘saklaus’ innbrot inn á vinnu- og byggingasvæði, vopnasmíð (var gerður útlægur frá Hellu - Rangárvallasýslu - fyrir að ‘kenna’ jafnöldrum hvernig skyldi smíða boga og örvar sér til dægrastyttingar… Enda varð allt vitlaust á endanum ef ég man rétt!-)

Snemma beygist krókurinn á einn eða annan veg, en ég prófaði þó Karate, Tai Kwon Do og Judo eitthvað rétt aðeins - lék mér með sverð og hnífa (heimasmíðað oftast nær) þess á milli - en fann loks áhuga er ég komst yfir Stephen Hayes ‘Ninja bók’ og fór að leika mér samkvæmt því… Dró stundum félaga minn með mér í ‘vitleysis sparr/glímu’ og skemmtum við okkur ágætlega við að lúskra á hvor öðrum…

Ég hélt mér svo ágætlega við efnið þegar ég fluttist til Kýpur, fór á sjóinn (hitti þar rússneskan Ækídó/Systema meistara sem sýndi mér hitt og þetta, en ég var nógu vitlaus til að nýta mér það ekki betur… Lament!!!) Jæja, leikurinn hélt sér við og bókasafnið stækkaði eitthvað - í samfylgi sjálfsæfinga - þangað til að ég flutti til Hollands og datt inná góðvin og 5Dan Bujinkan meistara Marco Verheij. Undir hans leiðsögn (og í fráfalli littla Bujinkan leikhópsins sem ég hafði lagt ráð mitt við), náði ég svarta beltinu á einu ári (sem telst nokkuð erfitt, en hófst þó með MIKILLI vinnu án ‘sjálfsaga’). Hef ég svo haldið mig við æfingar og kennslu síðan…

Núverið; æfi ég þetta tvo tíma á dag, sjö daga vikunnar (sund á sunnudögum - Sui no Jutsu??? - en annars 3svar í eign samneyti og svo 2 til 3 skipti í hóp) ásamt ferðum af og til, út og suður, en þá er oft gist úti undir berum himni og æft hressilega þess á milli… Svo kemur nú til að maður leggur land undir fót og fer á Bujinkan samkomu einhverstaðar, svona rétt til að sýna sig aðeins og sjá aðra…

Eins og staðan er hvað varðar gráðun; þá er ég að safna fyrir 4Dan gráðunni (400 evrur einhver???) og mun svo ‘líklegast’ halda til Japan í vor og gerast afhausaður 5Dan Shidoshi… Þá er ekki aftur snúið, en um að gera að ná þessu áður en Soke Hatsumi fer yfir um, enda sá orðinn nokkuð gamall…

Hvað varðar Bujinkan áform á Íslandi; þá hef ég gerst svo heppinn að hitta á góða drengi sem hafa allt til að bera og er nú bara leikur gerður til að þeir læri (æfi) sem mest og að við náum að láta Ninjutsu falla í góðan (frjósaman) farveg… En það mun svo koma á endanum og í samræmi NIN (þolinmæði/þrautseigju)…

…En það sem ég tel til í ‘reynslu-safnið’ svokallaða og þá samkvæmt æfingum og kennsluaðferðum Bujinkan, er sem fylgir:

1. Kihon/Inton Waza (Junan Taiso, Taihenjutsu Ukemi Gata)

2. Kihon Happo

3. Shinken Gata

4. Mutodori Gata

5. Sanshin no Kata

6. Gyokko Ryu Kosshijutsu (x2 - Flest form)

7. Gikan Ryu Koppojutsu

8. Koto Ryu Koppojutsu (x2 - Flest form)

9. Shinden Fudo Ryu Dakentaijutsu

10. Kukishin/Kukishinden Ryu Happo Hikenjutsu

11. Togakure Ryu Ninpo Taijutsu

12. Kenjutsu/Iaijutsu (sverð)

13. Bojutsu (langstafur)

14. Jojutsu (miðstafur/göngustafur)

15. Hanbojutsu (stuttstafur/gönguprik)

16. Shurikenjutsu (kaststjörnur, pinnar og hnífar)

17. Sojutsu/Yarijutsu (spjót)

18. Ninja Bikenjutsu (leynisverð, ninjasverð)

19. Juttejutsu ('tíu handa' þumalkylfa???)

20. Kusarigamajutsu (keðjusigð og Kyoketsu Shoge)

21. Bisentojutsu/Nagamaki (atgeir)

22. Kyujutsu/Kyudo (bogi og örvar)

Margt annað má telja til, svosem: hnífabrögð, reipis- og keðjunotkun (Kusarifundo), skammbyssu/byssunotkun og varnir, Metsubushi blindtækni, sjálfsvörn etc… Margt komið til, en langt í land; tja, svona til dauðadags ef svo má kalla…

Kv,

D/N

Skemmtileg hugmynd hjá þér HwaRang!

Ég fór í Karate i ca. 3 mánuði þegar ég var 10 ára, en fékk leið á því af því að það var ekki eins og í bíómyndunum sem ég var að horfa á (Bruce Lee og Ninja myndirnar með Lee Van Cliff).

Leigði mér fyrstu 2 UFC keppnirnar í kringum 1995 og þá kviknaði áhuginn á bardagalistum aftur.

Kíkti á einhverjar kung fu æfingar hjá Jimmy, þegar hann var í Gym80 en hætti þar snemma aftur.

Byrjaði í World Jiu Jitsu 1999, var farinn að kenna þar árið 2000 og orðinn einn af 4 aðalþjálfurunum þar árið 2002.(er með 2. Dan í því)

Var í TKD hjá Ármanni í rúmt ár, frá 2000 til 2001. Var í 2. eða 3. sæti á innanfélags móti þar og svo í 2. eða 3. sæti á TKD íslandsmeistaramótinu 2001 (minnir mig :)

Árið 2004 vaknaði ég og hætti að æfa World Jiu Jitsuið. Reynir æfingafélagi minn í WJJ lánaði mér Functional Jeet Kune Do Series 1 með Matt Thornton þar sem hann útskýrir aliveness og þar sá ég bara að það sem ég var að æfa var langt frá því að vera það sem ég hélt að það væri, þ.e. sjálfsvörn sem virkar!!!

Byrjaði að æfa Brasilískt Jiu Jitsu með Jóni Gunnari í jan 2004.

Hef líka í gegnum tíðina verið einhverja mánuði í , Wu Shu hjá Heilsudrekanum, Box hjá HR, Kickbox/Muay Thai í PI, og svo aðeins prufað Judo hjá JR líka.

p.s. bara af þvi að einhver hér á huga sagði að við (Mjölnir) vissum ekkert um hefðbundnar bardgalistir þá vill ég hvetja allt Mjölnis fólkið að setja sína sögu hérna líka :)

Jamm góð hugmynd hjá þér Haraldur Óli

Minn ferill er svona:

Haustið 96' fór ég á mína fyrstu karateæfingu í Þórshamari. Gjörsamlega féll fyrir sportinu. Ég æfði shotokan karate stanslaust í 9 ár. Á þessum tíma stundaiði ég einnig sport karate í s.c. 5 ár.

Ég náði ágætist árangri á þessum árum, fékk 1.dan í Shotkan, lagði samt mestu áhersluna á kumite. Keppti mikið og gekk vel. Var Íslansmeisariunglinga 2000, 2001, 2002, 2003 og 2004. Auk þess vann ég fullt af öðrum titlum sem ég nenni ekki að telja upp. Æfði mikið með landsliðinu og keppti. Þjálfaði einnig keppnislið Þórshamar í góðan tíma og unglingalandsliðið. Fór mikið á æfingabúðir erlendis sem var gaman.

Sirca frá árinu 2002 æfði ég helling í Pumping Iron. Sparraði mikið við Ingþór, Viggo og Árna Ísaks. Ég byrjað í kringum árið 2003 að hafa mikinn áhuga á MMA og æfði þá helling með Árna, bæði fyrir keppnir og bara til þess að fikta með þetta illa svala sport MMA ;)

Mig langaði svo að vekja smá athygli á MMA í Þórshamri og hélt fyrstu MMA æfinguna þar 6.júni 2003. Margir fíluðu þetta í tætlur. Fljótlega varð þetta af föstum viðburði, MMA æfingar í Þórshamari. Æfingarnar urðu fljótt kallaðar Mjölnis-æfingar.

Ég kynntist Arnari Frey í dyravörslu á Vegamótum og byrjaði hann að koma í Þórshamar og kenna eina og eina æfingu. Árni Ískas var líka tíður gestur og einnig komu Bjarni B. og Jón Gunnar.

Þetta var svo orðinn stór og góður hópur og ákváðum við að sameinast og stofna MMA félagið MJÖLNIR formlega 2005. Fluttum úr Þórshamri yfir í JR og núna vita allir hvar við erum. blalbalba :D

Ég hætti svo fyrir fullt og allt í karate í nóvember 2005 eftir norðulandameistaramótið. Það var erfitt að hætta, en samt sem áður mesti léttir í lífi mínu!!! Ég gæti ALDREI snúið aftur, eftir að hafa prófa MMA og BJJ og skilið út á hvað það snýst.

Ég fór svo til Maimi í hálfan mánuð núna í janúar á þessu ári og öðlaðist réttindi í handtöku og yfirbugunnarkerfinu ISR-matrix www.isrmatrix.org Þar æfði ég einnig MMA, box og BJJ.

Ég hef prófað allan annskotan, æfði eins og ég segi karate í 9ár, sportkarate í 5 ár, æfði helling í PI, prufaði worldjujitsu í nokkrar vikur, æfði olympísktbox í nokkra mánuði. Hef farið mikið á æfingabúðir hérna heima og erlendis og æft með virtum þjálfurum í karate, kumite, MMA, ISR-matrix, BJJ og fleira.

Já ég hef reynslu úr hefbundum baradagaíþróttum. Hélt fyrst að hún væri góð, but I was so wrong!!! :D

Jón Viðar Arnþórsson
www.mjolnir.is

Eftir að hafa lent í slag árið 1997 og tapað byrjaði bardagaferil minn í Taekwondo en ég var reyndar bara 14 ára smápolli þá. Fyndna er að ég hef aldrei lent í slag síðan þá. En ég æfði Taekwondo frá 1997-2001 en þá byrjaði ég að spá í því hvað virkaði í rauninni í alvöru bardaga. Síðan um haustið 2001 skipti ég yfir í júdó hjá JR og æfði stíft undir leiðsögn Bjarna Friðriks 2001-2002 og keppti mikið og vann margar medalíur. Keppti m.a. á opna breska junior mótinu en þá fékk ég að kynnast alvöru samkeppni. Svo um sumarið 2002 mætti ég á æfingu í PI og kynntist þar Árna og var það hefð hjá okkur allt sumarið 2002 að hittast kl.10:00 á sunnudagsmorgnum og grappla í a.m.k. 2 klst og taka síðan góða lyftingaræfingu á eftir. Þetta voru góðir tímar… :) Þá var ég líka byrjaður að fá brennandi áhuga á MMA. Um haustið 2002 byrjaði ég svo í boxi hjá Sigurjóni en snéri mér aftir í júdóið vorið 2003 og er búinn að vera æfa það með pásum síðan þá. Einnig mætti ég á nokkrar mjölnisæfingar og hef átt gott samneyti við mjölnismenn. Að svo stöddu er ég í Japan og er búinn að vera nokkuð duglegur að æfa en háskólinn tekur sinn toll af æfingunum. Helst myndi maður vilja bara vera æfa og keppa á styrkjum og gera ekkert annað… það væri draumurinn.

jeg birjaþi aþ æva karade þegar jeg var 6 ara og svo tækvondo nuna

fæddur 1995…


byrjaði sem 5 ára smápolli í fótboltanum eins og margir aðrir.
fór á mörg mót og á margar góðar minningar frá boltanum. þegar ég var 9 eða 10 ára langaði mig að prófa eitthvað annað, hætti í boltanum og fór í judo. entist ekki nema svona 2-3 tíma, prófaði líka skylmingar en entist aðeins 1 tíma…
svo var það vinur minn sem kynnti mig fyrir tae kwon do. ég prófaði það og entist aðeins í nokkrar vikur ennþá með hvíta beltið. fór þá aftur í boltann. einhverju seinna voru 2 bekkjarfélagar mínir að byrjaðir að æfa tae kwon do hjá sama félagi. ég hætti þá í boltanum aftur og vildi prófa aftur tae kwon do og var það ekki aftur snúið. þó báðir þessir bekkjarfélagar mínir og fyrrverandi vinur minn sem kynnti mig fyrir tkd í fyrra skiptið eru allir hættir held ég ótrauður áfram. byrjaði líka í gracie jiujitsu fyrir svona einu og hálfu ári og held áfram. mun í framtíðinni örugglega prófa fleiri bardagalistir.

en eins og staðan er núna þá er ég með þessa bardagalistæfingu:

tkd: 4 ár
gjj: 1 1/2 ár

og eitthvað fleira smotterí í judo, það sem ég lærði á að horfa á myndbönd á youtube, horfa á jackie chan og aðrar kung fu myndir. human weapon og fight quest serjurnar sem voru á discovery og history channel og eitthvað fleira.