SuperGoal.com:

Siggeir Fannar, hinn farsæli stjóri Darlington hefur sagt upp störfum eftir 7 farsæl ár í starfi. Siggeir kom liðinu upp í úrvalsdeild úr 3. deild á 4 árum og síðan í Meistaradeild Evrópu skömmu seinna, þegar liðið náði sínum besta deildarárangri frá upphafi, 4. sæti í úrvalsdeild. Í Meistaradeildinni spilaði liðið til úrslita en tapaði þar naumlega. Eftir þennan frábæra árangur hefur Siggeir ákveðið að segja upp störfum og leita á önnur mið en eflaust eru mörg lið sem vilja fá þennan frábæra knattspyrnustjóra til starfa en hann hefur einnig gert Kína að heimsmeisturum. Í viðtali hafði Siggeir þetta að segja: „Þetta er búinn að vera frábær tími en líka erfiður, klúbburinn lítill og erfitt að láta enda ná saman eftir hvert ár, það má í raun segja að ég hafi fengið nóg. Ég á eftir að sakna marga leikmanna en þeir hafa flestir verið mér sem synir, og má þar nefna Andra Sigþórsson, Kim Kallström og Jörgen Friberg. Liðið er fullt af hæfileikaríkum leikmönnum og með réttum stjórnenda ætti þetta lið að eiga bjarta framtíð, en ég hins vegar var bara búinn að fá nóg.“ Aðspurður um framtíðaráætlanir sínar sagði Siggeir: „Ég held að ég fari bara í gott frí núna og slappi af. Ég hef engu að síður áhuga á að halda áfram í boltanum og hef augastað á tveimur liðum, þar sem ég veit að er orðið heitt undir stjórunum, United og Aston Villa.”

SuperGoals.com þakka Siggeiri kærlega fyrir spjallið og óska honum alls hins besta í framtíðinni.