Ég þekki þessa vél svo sem ekki neitt en get sagt þér eitthvað um shutter speed. Það er sem sagt bara hversu lengi shutterinn er opinn, þ.e. hversu lengi hún hleypir ljósi inn í vélina. Vélin býður þá upp á að hafa shutterinn opinn í allt að 15 sekúndur, eða allt niður í 1/3200 úr sekúndu. Hægur shutter speed er notaður ef lítið ljós er til staðar, til dæmis fyrir næturmyndir, en þá þarftu að nota þrífót eða setja vélina á einhvern stöðugan flöt til að myndin verði ekki hreyfð. Hraður shutter speed er hins vegar notaður til að frysta hreyfingu til dæmis á hlaupandi manni, hljóli eða bíl. Því meiri hraða sem þú vilt nota, því meira ljós þarf að vera til staðar. Svo er hægt að nota miðlungshraða, kannski eins og 1/30 eða 1/60 til að fá smá hreyfingu í einhverja hluta í myndinni sem eru á hreyfingu, t.d. hendur á manni. Þetta fer samt bara allt eftir aðstæðum og hvað þú vilt gera.

Hins vegar, það sem ég held að þú hafir verið að meina með því hvort hún sé lengi að taka myndina, þá giska ég á að þú sért að meina að hún sé lengi að byrja að taka eftir að þú ýtir á takkann. Það er hins vegar fyrirbæri sem kallast shutter lag og er vandamál sérstaklega á eldri og ódýrari vélum. Ég hins vegar veit ekkert hvernig það er á þessari en þú ættir að geta fundið eitthvað um það með því að leyta á netinu að t.d. nafni vélarinnar og shutter lag.