abh fyrir 19 árum, 6 mánuðum Fjöldi lestra: 451

Nikon D70

Sælir, ég veit ekkert rosalega mikið um svona digital vélar þannig að ég ákvað að leita ráða hjá ykkur.

Ég á núna Nikon Coolpix 3200 og er rosalega ánægður með hana svo langt sem hún nær, en núna langar mig að fá mér alvöru græju ;) og þar sem ég er svona sáttur við mína, þá kom Nikon D70 svona fyrst til greina. Hún kostar tæplega 90 þúsund.

Fyrsta sem ég rek augun í er að hún er ekki nema 6.1 megapixel, er það ekki alltof lítið? Eruði með einhverjar aðrar hugmyndir um vél handa mér?

Kobbi fyrir 19 árum, 6 mánuðum

Nei, mér finnst 6.1 Mpixlar bara nokkuð gott.

Stærð flögunnar hefur líka áhrif á gæði
myndanna(stærri=meiri gæði) og ég held að
ég fari með rétt mál þegar ég segi að flagan
í D70 sé stærri en í flestum þessara véla sem
ekki eru DSLR.

Ég er með Canon 10D sem er álíka vél. Ég hef stækkað
myndir upp í A3 og sumar þeirra talsvert kroppaðar
(ég nota ekki allann myndramann) og það sjást engir
pixlar í útprentunum.

D70 er hörkuvél og mér finnst ólíklegt að þú yrðir
óánægður með hana.

Fyrra álit

keg fyrir 19 árum, 6 mánuðum

Þú verður náttúrulega líka að athuga að aðalpeningurinn liggur í glerinu, þannig að ég myndi athuga verðið á þeim fyrst…

Að því sögðu að þá held ég að ég geti fullyrt að 300D, D70 eða jafnvel 10D með GÓÐRI linsu taki 20D með slappri linsu á hvaða degi sem er… En þá eru náttúrulega vondu fréttirnar næst…

Ódýrasta DSLR vélin kostar með linsu 200 þúsund.

Þetta er staðreynd, hvort sem að þér líkar það betur eða verr.

Fyrra álit

abh fyrir 19 árum, 6 mánuðum

en er ekki D70 DSLR vél? Ertu að meina að ég fái hana ónothæfa úr pakkanum og þurfi að fjárfesta strax í linsum?

Fyrra álit

[Notanda eytt] fyrir 19 árum, 6 mánuðum

Flestar SLR vélar eru þannig þ.e. án linsu. Reyndar er hægt að kaupa D70 kit, Myndavélina og 18-70 mm linsu.

Fyrra álit

abh fyrir 19 árum, 6 mánuðum

Fjárinn, þetta er rétt hjá ykkur auðvitað. Engin linsa fylgir þessu tilboði. Það breytir auðvitað öllu fyrir mig þar sem þetta er þá orðið væntanlega dýrara en ég gerði ráð fyrir. Er mikill verðmunur á linsum og fylgibúnaði milli véla? Sömuleiðis náttúrulega úrval? Vitiði hvaða vélar eru hagstæðastar í þeim málum?

Fyrra álit

oiphotos fyrir 19 árum, 6 mánuðum

Það er rétt að þú þarft að kaupa þér góða linsu til að vera sáttur við vélina. Ég er búinn að eiga þessa vél í ca hálft ár og er mjög sáttur við hana. Ég fjárfesti í Sigma linsum og nota ég 24-135mm svona dags daglega. Hún kostaði 50þ+. Síðan er gott að hafa gott flash og mæli ég með Nikon SB800 sem er á 45þ. EKki má gleyma minniskortinu Þ.a. þetta er fljótt að fara yfir 200 kallinn.

Kunningi minn á Canon 10D og var lengi vel mjög óanægður með hana þar til að hann fann út að linsan sem hann var að nota var ekki nógu góð fyrir vélina. Hann kenndi vélinni um allan tímann og sýnir manni að linsan er það sem skiptir mestu máli.

Fyrra álit

andri fyrir 19 árum, 6 mánuðum

ekki nema 6.1 megapixel, er það ekki alltof lítið?

Haha, hér fyrir stuttu síðan þóttu 6 megapixelar vera “the holy grail” fyrir stafrænar myndavélar, þ.e. jafn gott eða betra en 35mm filmur. Kodak seldi t.d. hér fyrir nokkrum árum 6 MP vél á yfir 2 milljónir.
6 megapixelar eru því svoleiðis alveg nóg á DSLR vél nema þú ætlir þér að gera mikið af því að prenta stærri myndir en A3. 6 MP DSLR vél er líka svoleiðis miklu betri en 8 eða 10 MP lítil vél.

Mér finnst ennfremur 90 þúsund vera nokkuð gott verð fyrir D70 vél á Íslandi.

En þú skalt gera ráð fyrir a.m.k. 30 þúsund aukalega í linsur ef þú kaupir D70. Væntanlega 40-50 þúsund. En þú getur auðvitað átt linsurnar áratugum saman og D70 ætti að vera fín myndavél í þannig séð 5 ár. Þetta er ekki eins og með litlu stafrænu vélarnar sem ætlast er til að fólk endurnýji á ~2ja ára fresti.

Fyrra álit

abh fyrir 19 árum, 6 mánuðum

Þá er það ljóst að D70 er alltof dýr fyrir mig :(

Hvernig líst mönnum á Canon EOS 300D sem er á tilboði núna hjá Hans Peterson á 119.900, með vélinni fylgir rafhlöðu og hleðslutæki, hugbúnaður og kaplar og svo ein 18-55mm linsa. Er eitthvað vit í þessu?

Fyrra álit

kkkson fyrir 19 árum, 6 mánuðum

Hmm eru þeir í Beco ekki að auglýsa Canon EOS 300d með linsu á 124.900 kall :D
Farðu á ljosmyndari.is og þar geturðu fengið Nikon D70 og Canon EOS 300d með linsu á undir 100.000 kall eða í kringum það.
hér er linkurin á smáauglýsingarnar hjá ljosmyndari.is

En smá off topic. Hvort mælið þið með Nikon D70 eða canon EOS 300d ???

Fyrra álit

[Notanda eytt] fyrir 19 árum, 6 mánuðum

Vélarnar eru nú langt frá því að vera í sama verðflokki/flokki þar sem að 300d hefur fallið þónokkuð í verði.

Hinsvegar ef að maður á fyrir því þá er D70 mun vænni kostur þar sem 300d er svo voðalega takmörkuð.

Fyrra álit

Ljósmyndun

Ljósmyndun

Ofurhugar

Stjórnendur

Hverjir eru inni

Korkar - Græjur

Nikon D70

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi