Vá hvað ég vissi að ég fengi eitthvað skítkast til baka… Reyndar viðurkenni ég það alveg að svarið mitt hljómaði smá biturt, sem er alls ekki ætlunin.

Það sem ég var/er að reyna segja er að ekki taka mark á umsögnum á netinu, þetta gefur vissulega ágætis vísbendingu en ekkert meira. Tökum til dæmis 24-70 2.8 hjá Canon og 28-70 2.8 hjá Nikon. Samkvæmt photozone.de þá fær Canon linsan 4.16 en Nikon linsan 4.05 samkvæmt meðaltali úr blaðaeinkunnargjöf. Í lens survey fær Canon 4.27 í meðaltal, nákvæmlega sömu einkunn fær Nikon linsan. Canon linsan kostar eitthvað um 1399 dollara en Nikon linsan kostar um 1450 dollara hjá www.bhphotovideo.com, smávægilegur verðmunur sem skiptir væntanlega engann neinu máli nema jóakim aðalönd týpur.

Það sem ég er að fara með þessu er að enginn með réttu viti ætti að túlka þetta sem að Canon linsan sé eitthvað betri en Nikon linsan, þetta eru líklega bara dagamunur á þeim sem mæla linsurnar, þeir hafa líklega mælt Nikon linsuna á mánudegi en Canon linsuna á föstudegi því að ég veit að báðar þessar linsur eru alveg fáránlega góðar.