Þú svarar í raun eigin spurningu þarna, ef linsan er “bara” 100mm þá geturðu ekkert zoomað með henni, þær eru næstum undantekningalaust skarpari og með stærri ljósop en zoomlinsur og kosta einnig minna. Augljóslega eru þær ekki jafn sveigjanlegar og zoom linsur en þú verður bara að vega og meta hvað þér finnst henta þér best.

Eftir því sem ég best veit þá er ekki framleidd linsa á EOS kerfið sem er með stærra ljósop en 2.8 og “zoomar” og varðandi seinni spurninguna um 28-135mm linsuna (sem ég á reyndar ekki en hef prufað, leist bara vel á hana og eigandinn og fleirri sem ég hef heyrt í eru mjög sáttir við miðað við verð) þá er þetta spurning um hvort linsan sé fyrir EOS kerfið, þessi er það.

Sigma, Tamron, Tokina, Vivitar eru dæmi um framleiðendur sem búa til linsur sem styðja EOS kerfið og svo geturðu líka alltaf keypt Canon linsur, passaðu bara upp á þessa stafi “EOS” vegna þess að Canon er einnig með gamalt kerfi sem er ennþá svolítið notað (hætt að framleiða samt) og heitir “FD”, þú getur ekki notað þær linsur.

Sæll vertu.

Zoom linsur hafa breytanlega brennivídd en fastar linsur (primes) hafa bara eina fasta brennivídd. Linsan sem þú ert að spá í að kaupa hefur þ.a.l. stillanlega brennivídd á bilinu 28mm til 135mm. Linsan kallast gleið ef hún er minni en 50mm en aðdráttarlinsa ef hún er stærri en 50mm.

Prime linsur gefa venjuleg betri myndgæði en zoom linsur og er það vegna þess að við gerð zoomlinsa þarf alltaf að miðla málum.
Eins eru prime linsur yfirleitt bjartari (stærra ljósop) en svipaðar zoomlinsur. Ég mæli með Canon EF 50mm f/1.8. Ódýr og skörp linsa sem skilar stórfínum myndum og er mjög hröð (f/1.8)

Ég átti fyrir skömmu EF 28-135mm og var bara nokkuð ánægður með hana. Image Stabilizing systemið er ótrúlega sniðugt en mér fannst hún samt ekki nógu skörp miðað við 50mm f/1.8 linsuna.
Ég verð að taka fram að ég átti eldri týpuna af 50mm linsunni sem er betur byggð en nýja útgáfan en myndgæðin eru þau sömu.

Allar Canon linsur með s.k. EF mount passa á 300D vélina þína.

Mundu bara að 300D hefur 1.6 cropfactor þannig að sjónsvið 50mm linsu er í raun 50mm x 1.6 = 80mm. Það er vegna þess að sensorinn í 300D er minni en flötur 35mm filmu (24x36mm)

Vona að þetta svari spurningunni þinni.

Kv. Siggi Ben :)