Ég held að það sé engin 100% rétt leið, reyndu bara að segja það sem býr innra með þér :) Þarf ekki einu sinni að ríma eða hafa stuðla og höfuðstafi - svo er alltaf gott að byrja nokkrum sinnum, gera uppköst. Góða skemmtun :-)

Rétt hjá Chantress. Gott ljóð er eitthvað sem býr innra með þér. Það eru til reglur um hvernig á að skrifa ljóð, en þeim fylgja ekki nærri því allir og getur útkoman verið mjög góð þrátt fyrir það. Ef þú ert að semja ljóð fyrir kærustuna skiptir það nákvæmlega engu, einungis að þú setjir tilfinningar þínar og metnað í ljóðið. Metnaður skilar sér alltaf.

Ef þú vilt skrifa hefðbundið skaltu kynna þér reglur sem gilda um ákveðinn hátt. Ef þú ákveður að semja ferskeytlu þarftu að fylgja nákvæmlega bragfræðireglum hennar, sem og sonnettu, hæku (sem ég mæli með, hún er auðveld), fornyrðislag eða hvað sem er. Aftur á móti skiptir innihaldið meira máli en umbúðirnar. Ef þú treystir þér ekki til að fylgja bragfræðireglum má alveg jafn auðveldlega semja undir óhefðbundnum hætti. Þar gilda engar reglur eða form, aðeins tilfinningin. Gott ráð er að setja eins mikla tilfinningu og þú getur í eins fá orð og þú getur. Notaðu orðin á bak við orðin.