Flest öll hin ljóðin fara ekki eftir bragfræði þar sem höfundarnir kjósa í byrjun að sleppa því, eða þá að þeir gera það sama og þú sem er að byrja að skrifa undir hætti og gefast svo upp í miðju ljóði, eða að þeir teygja sig óþægilega langt í að reyna að troða hugsunum sínum inní formið án þess að athuga hvort það passi. Ég er ekki að segja að þetta ljóð sé algjört drasl, en það líður fyrir það að þú hefur ekki alveg tilfinningu fyrir því hvernig enska hljómar best, ekki það að það sé mikið af málvillum, t.d. línan ‘For me about you’ bæði hljómar illa ein og sér og virkar engan veginn sem klifun, nema þá til að gera það enn verra, auk þess er línan ‘with you I became a man, and am no longer a boy’ fullmikið af því góða. Eitt í viðbót - það vantar stundum ryþma: ‘if I could I would write a book (…) you took my heart a part and gave it a new look’. Það þarf að teygja sig dálítið langt til þess að láta þessar línur virka saman.