agnarlítill dropi - sem veldur heilu flóði
ein örlítil setning - í ádeiluríku ljóði
einn neisti getur endað í ógnarmiklu báli!
ein örlítil stjarna sem á jörðu vora fellur
vala sem á höfðum okkar úr ógnarhæðum skellur
hvað er svo smátt í okkar heimi að það skiptir ekki máli?

ein fluga sem úr fögrum blómum færir hópnum mat
í Hollands stíflum hættulegt - reynist lítið gat
einn maður getur með hnappa einum - heim í hættu látið!
ein líðan getur á örskotsstundu - lífi manna breytt
myrkur getur úr hugum skotist - þó þar leynist ekki neitt
hvað er svo smátt í okkar heimi að það getur ekki grátið?

…

litlu tárin sem að féllu frá þér
skildu eftir - svo stór sár á mér
orð eru smá í öllum heimsins orðaflaumi
breyta þó öllu í lífs míns stutta straumi.

…

ein agnarlítil vera sem að hugsar bara um ást
leitar hennar lengi - þó mun hún aldrei sjást
bara þriggja stafa orð sem í hugum okkar dvelur.
ástin hefur dregið margan góðan mann til leiða
en gert hefur enn fleirum manneskjunum greiða
hvað er svo smátt í okkar heimi að það enga huga kvelur?

…

allt er á lífi ef þú horfir bara betur
fer eftir því hversu smátt þú hluti metur
en munið það einnig að hin örlitla fluga
hefur augu eyru sál og ríkan tilfinningahuga.


-pardus-