Aukfúsinn auðugi

Aukfúsi auðugur
Arkar niður

Betlarana rænir
Barónana biður

Credó hans daglaun
Deilir hann ei

Efnamaður elur sér
Eigi efnafæð

Fabúlerar fágun
Fagnar fátækt annarra

Gáfulegur gagari
Gambrar gjamminn sá

Hagsbót hans er
Hálaun leyfa

Innistæðan iðar er
Inn leiðast seðlarnir

Jaðrar við jarg
Er jarðir eignast

Krónurnar köldu
Kæla hanns skap

Lagarefur læðist um
Lýsandi eign sinni

Málarekstur og málavextir
Mikla höfðingjann

Náunganum nepurð sýnir
Náðar ei af skuldum sínum


Óbilandi óblíðska
Í eigin ofríki

Peningar, peningar
Peningamaðurinn

Rænir með ráðum
Án raungætni

Safnar sölum
Sígræðandi

Tíminn tifar
Tíminn eru peningar

Ugglaus umgangsmaður
Umlar ,,Græða’’

Valdamaður váljúgur
Vantar meira fé

Ybbinn yfirbugar
Ýmiskonar smábúa

Þágar þambarinn
Þurfalingana þá

Æðrast ei ofærslin
Í æsingamönnunum

Ögrar öryrkjum
Öngvegum milli.


Ath. ef þið eruð ögn sljó (það er aldrei að vita) þá eru ljóð- og höfuðstafir Í stafrófsröð. Þetta hefur máski smá áhrif á orðaval.