Þær falla!
Ung kona hleypur
út úr brennandi húsi
með barn
undir annarri hendi
og slæðu yfir andlitinu
Þær falla!
Barn lítur furðu slegið
upp í bláan himininn
en faðir þess
kallar ákaft
á það að
koma sér í burtu
Þær falla!
Eldri maður lítur undan
og veit það
að hann mun ekki
komast undan
í tæka tíð
Þær falla!
Vígreifur hermaður
horfir sigrihrósandi á
og fagnar
þessum merka sigri