Aldan kinnina
Kyssir, þú stendur úti
Köld nótt
Í fjarska
falla hvítkrýndar bárur
fagnandi að svartri strönd
í nóttinni
næfurþunnt mánaskin
á nálægum jökli stirnir
dökkleit
dimm ský
dregur fyrir mánann
það hvessir
-það hvessir
og bergið,
bratt bergið óðfluga nálgast
bylur í svörtum hamrinum
þetta skal takast
þetta skal takast
þetta skal takast
rétt áður
hugsar þú heim
rétt áður
hugsar þú um hana
rétt áður
reynir þú að komast í gallann
og jökullinn
jarðbundinn stendur
hvítkrýndar stórbárur
berja þig niður
þetta skal takast
þetta skal takast
þetta skal takast
og yfir þér
ein smástjarna nær í gegn
og þú hugsar heim
þú hugsar um hana
þú komst ekki í gallann
þetta skal takast
þetta skal takast
þetta skal….