Hláturinn

Það að
þola
hláturinn
er eins og
að kunna
að hlægja.

Þú leggst
undir
sáralítinn og auman
höggstokk
sem að
þú bítur
í
þúsund parta
með viðhöfn
og stolti.
Svo
deyrðu
og tekur upp molana
af honum
og
af þér
og þú
raðar þeim upp
á þann hátt
að leikfangið
sem að myndast
verður sett á
himinháan
bannlista.

Þannig grefur
þú harðan vetur
undir þitt hlýa
og lifandi hreiður vorsins
og sumarið
er þitt.