í nærveru sólar
þrái ég myrkrið

í svartnætti tómsins
leita ég ljóssins

í hlutleysi húmsins
sakna ég hlýju

í yljandi örmum
vantar mig frostið

jafnvel þó ég laðist að einhverju nýju
helst hjarta mitt veiklynt og brostið

því hvert sem ég fer
í leit að sjálfum mér
hefur eldingu þunglyndis
alls staðar lostið

og þess vegna stöðvast ég hér.


-Danni-
Náttúrubarn, landfræðinemi, veiðimaður, ljóðskáld og alls konar manneskja.