sweetie fyrir 22 árum, 9 mánuðum Fjöldi lestra: 459

RÖNDÓTT SMS

RÖNDÓTT SMS

Hvernig er hægt að elska en samt hata?
Hvernig er hægt að eiga en glata?
Hvernig er hægt að kveljast og þjást
en vilja samt þessa ást?

Ég sagði hæ en meinti bless,
er hætt að vera öfga hress.
Þú sagðir allt og vináttu vildir,
ég sagði það aldrei skyldi!

Ég hefði gefið þér allt sem ég á,
ef þú hefðir spurt - hefði svarað já.
En þú með þinn kindarhaus
mátt sitja áfram liðugur og laus.

Ég er orðin þreytt á að bíða,
og er hætt að kvíða.
Ég kveð þig með bros á vör,
því ég á ekki fleiri svör.

:Þ

Lurkmann fyrir 22 árum, 9 mánuðum

Gæsahúð og tár. Það vantar bara eitt stk. lag núna og Siggu Beinteins og þú ert orðin fræg :)

Fyrra álit

zorglubb fyrir 22 árum, 9 mánuðum

LOL!!

—–

Fyrra álit

sweetie fyrir 22 árum, 9 mánuðum

Alltaf áhugavert þegar það er gert lítið úr ljóðunum manns. Ég þoli ekki Siggu Beinteins og þetta var ekki hugsað sem söngtexti. En það þýðir víst ekki að fara í fýlu, kennir manni bara að vera ekki að senda ljóð út í heiminn, frekar að eiga þau bara einhvers staðar þar sem enginn getur meitt þau, svona eins og tilfinningar sem mega ekki brjótast út - gæti verið stimplað sem klisja.

:Þ (ulla á heiminn, hann ullar á mig)

Fyrra álit

zorglubb fyrir 22 árum, 9 mánuðum

Sweetie þetta ætti frekar að kenna þér að velja af kostgæfni þau ljóð sem þú vilt að aðrir sjái og búir sjálfa þig undir gagnrýni. Halda kannski þeim ljóðum sem afhjúpa þína innstu manneskju fyrir sjálfa þig, eða amk birta þau á öðrum vettfangi fyrir fólk sem dæmir þau undir eigin nöfnum og af meiri nærgætni.

—–

Fyrra álit

sweetie fyrir 22 árum, 9 mánuðum

Zorglubb, ég er búin að vera lengi hérna á huga.is og búin að senda inn fjölmörg ljóð - hef þar með fengið alls konar gagnrýni (allt frá því að vera líkt við Bubba og við sorp) og veit alveg við hverju á að búast. Velja af kostgæfni? Já, eitthvað sem mér er alveg sama um meinarðu? Nei, þannig virkar þetta ekki. Um leið og maður fer að semja fyrir aðra eins og maður heldur að þeir vilja hættir þetta að vera ekta. Ég veit ekkert verra en ritskoðaða list.

Ljóð eru hluti af list - það er ekki hægt að ritskoða þau, þau eru bara og brjótast út án fyrirvara.

Það er sem betur fer misjafn smekkur og misjöfn tilfinningagreind. Það sem mér finnst flott finnst öðrum ekki. Það sem fer í taugarnar á mér hérna er hvað það er óþroskað fólk inn á milli sem hefur ekkert annað að gera en að láta taka eftir sér með leiðinlegum commentum.

Fyrra álit

zorglubb fyrir 22 árum, 9 mánuðum

Þú misskilur mig hérna, með orðum mínum um innstu tilfinningar þá er ljóð í hina áttina tengt því sem ber þér fyrir augu dagsdaglega, því sem þú kýst að sjá á annan hátt og semja um. Ljóð eru ekki bara ástarsorg og særðar tilfinningar.
Einar Már Guðmundsson er gott dæmi um skáld sem semur ljóð um sína skynjun á hnyttin og frumlegan hátt.

—–

Fyrra álit

sweetie fyrir 22 árum, 9 mánuðum

Þú skilur greinilega ekki heldur! Ég skrifa bara svona ljóð, MÍN ljóð eru svona. Ég er ekki að reyna að vera öðruvísi eða eins og allir aðrir - Ég er bara ég og það er bara allt í lagi með það. Ég hef ekki áhuga á að skrifa ljóð til að þóknast öðrum, ég skrifa þau fyrir mig.

Fyrra álit

zorglubb fyrir 22 árum, 9 mánuðum

eru semsagt allir sem skrifa annað en þú að skrifa fyrir aðra???? Og ef þú skrifar ljóðin fyrir þig, hví eru þau þá hér?

—–

Fyrra álit

sweetie fyrir 22 árum, 9 mánuðum

Nei alls ekki, enga vitleysu!!! Ég var að útskýra af hverju ég skrifa ekki um hversdagslega hluti eins og þú varst að leggja til - reyna að koma þér í skilning um að ég get ekki haft þetta öðruvísi - þetta er bara svona.

Ég átti við að upprunalega eru þau skrifuð af mér fyrir mig (en ekki sérstaklega til að sýna einhverjum) og svo enda ég stundum á að posta þeim hérna.

Ég var bara að röfla um að ég þoli ekki leiðinleg comment - og Guð hvað það er leiðinlegt að standa í því að rífast við þig um þetta og analyza þetta í tætlur.

Leyfðu mér bara að vera í friði.

Fyrra álit

zorglubb fyrir 22 árum, 9 mánuðum

Gott og vel ég læt þig í friði og vildi alls ekki valda þér hugarangri. Vona að þú haldir áfram að semja og gleðja þá sem unna ljóðum.

zorglú

—–

Fyrra álit

kelika fyrir 22 árum, 9 mánuðum

djísss!! þetta er fínt ljóð hjá þér sweetie og haltu áfram að yrkja eins og þér finnst best :)

Fyrra álit

pardus fyrir 22 árum, 9 mánuðum

Ok… ég sjálfur er búinn að senda inn rosalega mörg ljóð hér á huga og fengið mismunandi svör, mér finnst samt eins og þú sért enn í ástarsorg sweetie (eins og ég var þegar ég samdi flest ljóðin hérna). Ég skil vel viðbrögðin þín, þú vilt að allt sé samþykkt og vel tekið en þolir ekki gagnrýni. Mér finnst þetta mjög gott ljóð (þó ég yrki sjálfur sífellt sjaldnar í bundnu máli) en ég skil þig vel að þú sért viðkvæm fyrir gagnrýni… ég var það líka :/

En endilega, haltu áfram að senda ljóð hérna á huga, mér fannst þetta virkilega flott ljóð en ef þú ert enn í sárum og vilt ekki að allir séu að böggast yfir því að þú sért að tjá tilfinningar þínar hérna á netinu… ekki gera það þá, það gerir bara illt verra… treystu mér :/

Náttúrubarn, landfræðinemi, veiðimaður, ljóðskáld og alls konar manneskja.

Fyrra álit

Ljóð

Ljóð

Ofurhugar

Stjórnendur

Hverjir eru inni

Greinar

RÖNDÓTT SMS

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi