Vá! Þetta virkar vel á mig. Þú hefur þetta augljóslega í þér og ég vona að þú sendir inn meira vegna þess að þessi síða þarf á svona kveðskap að halda. Bæði er yrkisefnið magnað hjá þér og líka meðhöndlun þín á forminu.

Einstaka hnökrar, aðallega á hrynjandi, ná ekki að skemma fyrir að mínu mati því góðu punktarnir yfirgnæfa algjörlega.
Þú hefur góða tilfinningu fyrir stuðlunum og ríminu og hefur burði í þér til að vera stórkostlegt skáld ef þú heldur bara áfram.

Þér tekst vel að láta formið auka á vægi þeirrar dökku myndar sem þú teiknar upp. Takk fyrir! :)

kv. D

Mjög sammála fyrri gagnrýnanda. Þetta ljóð er mjög magnað - myndirnar frábærar og uppsetningin pottþétt (þrátt fyrir örfáa hnökra í hrynjanda).

Þú hefur greinilega orðaforðann og kunnáttuna til að gera stórkostleg ljóð - hlakka til að sjá meira frá þér ;)

kv. pardus

…alveg sammála…alveg einstaklega grípandi og yndisleg tilfinning sem þú hefur fyrir forminu…hrynjandinn í næstsíðasta erindinu angraði mig reyndar örlítið, en samt sem áður yndisleg lesning!
Takk fyrir mig:)

Algjörlega sammála fyrri ræðumönnum. Glæsilegt og með smá pússivinnu, enn betra.

Sammála fyrri ræðumönnum að öllu leyti. Mínar athugasemdir að auki; nætur en ekki næturs, og svo þarftu að athuga stuðlasetningu hjá þér, sbr. seinni hluta annars erindis, hv stuðlar ekki við h, nema þú hafir sjálf hv-framburð (sem ég veit að sjálfsögðu ekkert um) og einnig stuðlar sk- aðeins við sk, sbr. síðasta erindið. Annars er fleira í síðasta erindinu sem stingur mig, ég veit í fyrsta lagi ekki hverjir blaka vængjunum, ég myndi víxla rennur og upp til að laga hrynjandina og svo á ég erfitt með að sjá áherslu á Sú í síðustu línunni. Ég er bara að pikka í þetta af því að þú ert að sýna alveg hrikalega góða takta og þetta ljóð á tvímælalaust fínpússun til hnökraleysis skilið. Takk annars fyrir stórkostlega ánægjulega tilbreytingu á huga.