Ég er ekki hér.
Þar sem að vindurinn bítur
og hálkan reynir að toga
undan mér alla fótfestu.
Ég er svífandi
alein í herbergi
þar sem að runnar
vaxa á veggjunum.
Þú sérð mig hreyfast
en það er bara blekking.
Ég er hjá runnunum
Með fjólubláu blöðunum
Og fíflagulu rósunum.
Þyrnarnir eru eins og smjör
og umvefja mig.
Því þeir vilja vernda mig
Svo ég svífi ekki stjórnlaust.
Aftur heim.