þú ert örlítil fruma
berst fyrir lífi þínu
syndir á ógnarhraða
upp leggöngin

finnur frið
í eggi

sameinaðir stöndum vér
og verðum eitt

—

níu mánuðir
og barn er fætt
mjúkur móðurfaðmur
og grátur af beggja hálfu

tilveran ósköp notaleg
og örugg

—

nokkur ár
og þú ert bara fyrir

daglega er hrópað
og öskrað
kallað
og æpt

þú ert barin
í svaðið
og skilin eftir
í sárum

það á þig enginn
og þú átt engan að

því það grætur enginn fyrir þig lengu