Fólk eins og þið, þá meina ég diskutera eins og þið eruð, er alveg nauðsinlegt fyrir land og þjóð. Þið gefið mönnum eins og mér nauðsinlegt aðhald. En ég tek mér bara Megas til fyrir mindar og held áfram að sletta á ensku og dönsku því það er minn stíll. Mönnum á alltaf eftir að mislíka slíkt. En ég tek mig til og skrifa alveg ramíslenskt og þá fer ég til hans Afa gamla og fæ ráðleggingar.

'Ég er ekki að segja að við eigum að taka við öllum tökuorðum án umhugsunar. En ef að orðið fellur að íslensku málkerfi og er almennt notað/viðurkennt, hvers vegna að sporna við því? Málið er þannig gert að það hentir sjálft út orðum sem ekki eru hentug eða falla illa að kerfinu, t.d. nýyrðin þyrilvængja eða langferðabíll. Í dag notast vel flestir við þyrlu og rútu, í stað hinna. Það er heill hellingur af orðum sem eru notuð af meirihluta landsmanna dags daglega sem er hægt að flokka undir þessa ‘ekki góðu og gildu íslensku’, en samt skilja allir hvern annan. Hvernig stendur á því? Er að koma hér upp annað tungumál, nokkurs konar óíslenska? ja, ég bara spyr…. ‘Tilvitnun lýkur.

Nei það er ekki að koma hér upp annað tungumál. Tungumálið er einfaldlega að þróast eins og öll tungumál gera. Það er svo tíminn sem sker úr um það hvaða orð halda stöðu sinni í málinu.
Hvers vegna að sporna gegn þessarri þróun? spyrð þú. Ef við hefðum ekki gert það gætum við nútíma Íslendingar ekki lesið hin ómetanlegu bókmenntaverk þjóðarinnar, Íslendingasögurnar.

Það eru fáar ef nokkrar þjóðir sem geta lesið sitt eigið tungumál ef það hefur verið skrifað fyrir u.þ.b.átta hundruð árum eins og við Íslendingar getum gert. Einmitt VEGNA ÞESS að við höfum spornað gegn óæskilegri þróun málsins eins og til dæmis Fjölnis menn gerðu á sínum tíma,
með þeim árangri að þeir hrundu af stað málhreinsunarstefnu sem til allra heilla hefur haldist fram á þennan dag.

Orðin ’Shit' og ‘fuck’ eru ensk slanguryrði í íslensku sem falla ekki að íslensku málkerfi, eða segir þú ef til vill ‘að shitta’? eða ‘að fucka’?. Er þá þátíðin ‘shittaði’ eða ‘sheit’? og svo hinsvegar ‘fuckaði’ eða ‘feickd’?. Finnst þér virkilega að það sé rétt sem þú segir?…
' Rétt eins og orð á borð við Shit! og Fuck!, hefur þessi sögn öðlast gildi innan íslenska málkerfisins'. Tilvitnun lýkur.


Hvað varðar orðið þyrilvængja þá var það óheppilegt nýyrði. Sem betur fer var því breytt í þyrla sem er mun þjálla nýyrði. Rúta er aftur á móti ekki nýyrði heldur dregið af danska orðinu rute.

'Ef að við hugsuðum öll svona, þá efast ég um að orð eins og bíll eða anorakur væri til í málinu. Við yrðum að notast við óþjál orð eins og sjálfrennireið eða bifreið'. Tilvitnun lýkur.

þú veist auðvitað að bíll er dregið af orðinu ‘automobil’ og því ekki nýyrði, eigi heldur er ‘anorakkur’ nýyrði.
'Sjálfrennireið ‘var klaufalegt nýrði sem festist ekki í málinu sem betur fer.

Mér finnst það sjálfsagt mál að sigta óæskileg orð úr málinu. Ekki er svo ýkja langt síðan að gangstéttir voru kallaðar ’fortov', borið fram ‘forrtó’ ,í daglegu tali, orð sem er danskt, rétt eins og orðið ‘býtta’ eða ‘bytte’. Vilt þú ef til vill taka danska orðið ‘fortov’ upp aftur? þar sem þú ert svo hrifinn af tökuorðum.
Orðið ‘Forrtó’ féll eins og orðið ‘býtta’ sem flís við rass að íslensku máli. Dæmi.'Hann gekk á forrtóinu'. ‘Forrtóið er mun öruggari staður til að leika sér á heldur en gatan’, o.s.frv.

Við erum ekki eina þjóðin sem reynir að halda máli sínu hreinu. Þjóðverjar til dæmis sættu sig ,m.a. illa við orðið eða skammstöfunina t.v. yfir sjónvarp. Svo þeir fundu upp orðið ‘fernseher’o.s.frv.

Mér finnst það sjálfsagt mál að hver þjóð haldi tungumáli sínu eins hreinu og upprunalegu og mögulegt er. Tungan gerir okkur að því sem við erum . Hún viðheldur menningu okkar og arfleifð.
Að sjálfsögðu neyðumst við stundum til að taka upp tökuorð yfir þá hluti eða hugök sem ekki voru til í íslensku fyrir. En sem betur fer erum við dugleg við nýyrðasmíði eins og til dæmis þjóðverjar eins og áður var minnst á.

Og ef ég þarf að velja á milli tökuorðs og nýyrðis eða við skulum segja milli dönsku og hreinnar íslensku, eins og í dæminu,'að býtta' eða ‘að skipta’ vel ég íslenska orðið. Þú ræður þínu málfari en ég vel ‘ástkæra ylhýra málið’.

Bestu kveðjur.

cocobana.