pardus fyrir 20 árum, 9 mánuðum Fjöldi lestra: 296

Fl...Ótti

heyri þögnina blása í eyrað á mér
sé myrkrið vefja sig dularklæðum
skynja regnið á vanganum renna
og spennu í brjóstinu brenna…

heyri grasið ýfast undan fótum mér
sé myrkrið stara í angist á ljósið
skynja skordýrin undir skóm kremjast
og heilann í höfðinu lemjast…

heyri raddirnar hækka í huganum
sé myrkrið flýja undan birtunni
skynja andardrátt þeirra skríða nær
og óttann forða sér niður í tær…

heyri bíla á sæbraut keyra framhjá
sé myrkrið við sundin hrasa um stein
skynja fagurt húsið kalla hærra
“það er einum sjúklingi færra…!”

…

heyri feitu læknana stynja mér hjá
sé myrkrið dotta og falla í dá
skynja treyjuna falla vel að höndum
og ég er aftur í Kleppsins böndum…

-pardus-

***Ekki sjálfsævisögulegt :þ – Datt þetta bara allt í einu í hug, flóttatilraun frá Kleppi***

Náttúrubarn, landfræðinemi, veiðimaður, ljóðskáld og alls konar manneskja.

Keats fyrir 20 árum, 9 mánuðum

Til hvers að gefa húsinu tilfinningar? Óþarfi…

Ég ímynda mér að vistmönnum sem eru þarna gegn eigin vilja fyndist húsið frekar ljótt (hvort sem það er það eða ekki).

Verð líka að viðurkenna að persónulega fer þetta með að myrkrið stari “í angist á ljósið”, vefur sig dularlæðum, etc., etc, fer aðeins í taugarnar á mér.

kv. Laurent/Keats

Fyrra álit

pardus fyrir 20 árum, 9 mánuðum

Myrkrið er smám saman að hverfa frá flóttamanninum, byrjar á því að hylja sig, svo flýja undan ljósinu, hrasar og að lokum hverfur svo myrkrið - flóttamaðurinn er að flýja með myrkrinu en tekst það ekki til lengdar.

Þetta ljóð á að vera furðulegt… enda fjallar það um geðsjúkling ;) Verst að þú skulir ekki fíla það.

Annars er ég hálf uppiskroppa með efnivið núna - maður ætti kannski að taka sér smá pásu og safna? Það er alltaf gott fyrir ljóðskáld í þurrkatíð ;)

Náttúrubarn, landfræðinemi, veiðimaður, ljóðskáld og alls konar manneskja.

Fyrra álit

gberg fyrir 20 árum, 9 mánuðum

Farðu að vinna á Kleppi. Þar færðu efnivið.

Gberg

Fyrra álit

Keats fyrir 20 árum, 9 mánuðum

Og passaðu að týna ekki barmmerkinu svo þú komist út aftur …

Fyrra álit

cocobana fyrir 20 árum, 9 mánuðum

Mér finnst þetta ljóð mjög gott ef þú sleppir síðasta erindinu og breytir örlítið orðum og orðaskipan til að fá betri hrynjanda í ljóðið.T.d.
í fyrstu línu, heyri þögnina blása í eyru mér,
í þriðju línu, skynja regnið á vöngunum renna,
í sjöundu línu, heyri skordýrin undir skónum kremjast.
í 10 línu, sé myrkrið flýja undan birtu,
í 13 línu, heyri bíla á Sæbraut keyra hjá,
og í 15 línu, skynja hvíta húsið kalla hærra.
Þannig myndu síðustu þrjár línurnar í næstsíðasta erindinu segja sjálfar hvaða hús væri um að ræða(Klepp) ef þær væru svona,
sé myrkrið við sundin hrasa um stein
skynja hvíta húsið kalla hærra
'Það er einum sjúkling færra…!'
Vona að þú takir ekki tillögur mínar illa upp.
Kveðja cocobana.

Fyrra álit

oddurthorr fyrir 20 árum, 9 mánuðum

Sleppa síðasta erindinu?
Hann samdi það með hinu, þetta er ein heild.
Þú getur ekki ætlast til þess að hann klippi endann af eftir þínum dutlungum, þetta er einsog að klippa endann af meðalslakri bíómynd og sitja eftir með poppkorn í höndunum.

Fyrra álit

cocobana fyrir 20 árum, 9 mánuðum

Ég held þú ættir að líta í eigin barm.
þú kallar gagnrýni mína og tillögur duttlunga. En gagnrýni mín er allavega sett fram á kurteislegan máta.
Þar sem aftur á móti þín ‘gagnrýni’ er eingöngu barnalegt,dónalegt nöldur eins og hjá DUTTLUNGAFULLUM KRAKKA sem reynir að vekja á sér athygli með því að þykjast vera yfir aðra hafinn. Og sýnir þar með skerta sjálfsmynd og minnimáttarkennd sem kemur fram í því að upphefja sjálfan sig á kostnað annarra eða með því að leggja stund á einelti.
Ég ráðlegg þér því að leita þér hjálpar.
Reyndu svo að semja eitthvað af viti sjálfur og sýna að að þú hafir efni á því og greind til þess að vera fær um að ‘gagnrýna’aðra.
Og endilega lærðu betur íslenska stafsetningu.
Kannastu við máltækið ‘Bylur hæst í tómri tunnu’?

Fyrra álit

nony fyrir 20 árum, 9 mánuðum

tja..mér finnst þetta flott ljóð..auðvitað má lagfæra það eins og cocobana segir..en að öðru leyti er ekkert út á það að setja :)
kveðja nony

Fyrra álit

oddurthorr fyrir 20 árum, 9 mánuðum

Svo vill til að ég kann stafsetningu upp á hár.
Að gera einungis eitt t í duttlungar er ekkert nema innsláttarvilla.

Ég er að benda á það að mér finnst síðasta erindið mjög gott einsog reyndar mestallt ljóðið,
og sýndi enga ókurteisi.

Fyrra álit

Ljóð

Ljóð

Ofurhugar

Stjórnendur

Hverjir eru inni

Greinar

Fl...Ótti

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi