elDoro fyrir 20 árum, 9 mánuðum Fjöldi lestra: 227

Lífið er

Hefurðu einhvern tímann fengið hausverk
við vangaveltur um tilgang lífsins?

Hefur þér einhvern tímann fundist myrkur tilgangsleysis
vofa yfir eigin lífi?

Ég get ekki sagt þér
hver tilgangur lífsins er
en ég get sagt þér
hvað lífið er

Lífið er hugarástand

Þegar það er komið á hreint
verður spurningin um tilgang eða tilgangsleysi
ekki hin mikilvægasta
heldur þessi:

Stjórnar þú huganum
eða hann þér?

Ef hugurinn stjórnar
þá á hann það til að hlaupa með þig út í nóttina
og þannig verður lífið
dimmt og kalt

En stjórnir þú huganum
geturðu alltaf fengið þér göngutúr
til baka í sólríkan daginn

cocobana fyrir 20 árum, 9 mánuðum

Gott ljóð og heimspekilegt. Þó langar mig til að koma með eina athugasemd varðandi heimspekina í ljóðinu.Stjórnir þú huga þínum þarft þú aldrei að fá þér göngutúr til baka í sólríkan daginn af því þú ert stöðugt í sólskininu. Því ef þú stjórnar huga þínum hleypur hann aldrei með þig út í nóttina. Kv.c

Fyrra álit

elDoro fyrir 20 árum, 9 mánuðum

Ef þú hefur fullkomna stjórn á huganum þá er það vissulega satt að þá ætti hann ekki að fá tækifæri til að hlaupa eitt né neitt. Hins vegar er kannski ekki verið að ræða um fullkomna stjórn heldur næga stjórn til að geta tekið göngutúrinn til baka þegar allt virðist orðið svart.

Fyrra álit

Hildur fyrir 20 árum, 7 mánuðum

Hæ, takk fyrir komuna áðan. Það sem ég er að spá er að ef maður hefði fullkomna stjórn á huganum hvort það væri ekki langskynsamlegast að gefa honum lausan tauminn þangað til að maður fer að rekast á einhverja veggi? Borgar sig ekki að upplifa náttmyrkva til þess að geta notið sólarljóssins? “En því er jörðinni sólin kær að aftan hvern skal hún hníga í haf” (ekki 100%nákvæmt, Kveld, Magnús Ásgeirsson). Er það ekki málið???

Fyrra álit

elDoro fyrir 20 árum, 7 mánuðum

Auðvitað er ekkert vit í öðru, þú sérð ekki regnboga nema hafa bæði sól og rigningu :)
Annars væri hætt við að Brave New World stemningin kæmi yfir mann. Auk þess sem ég held að fullkomin stjórn væri ekki hamingja og gleði heldur afskaplega mikil meðalmennska í tilfinningum, sem er ekki gott.

Annars var ég að panta Donnie Darko á DVD og legg til að við kíkjum á hana saman við tækifæri. Ég kem bara með spilarann minn með mér í heimsókn ;) Getum jafnvel kíkt á Monty Python líka og skemmt okkur yfir þeim fíflalátum. Þá fáum við allan tilfinningaskalann beint í æð :)

Fyrra álit

pardus fyrir 20 árum, 9 mánuðum

Virkilega flott pæling og skemmtileg líka :) En ég verð að vera sammála cocobana - ef ég myndi ráða yfir huganum í mér myndi ég halda mig í sólskininu allan tímann. Ég myndi ekkert vera að kíkja til baka inn í nóttina.

Náttúrubarn, landfræðinemi, veiðimaður, ljóðskáld og alls konar manneskja.

Fyrra álit

Ljóð

Ljóð

Ofurhugar

Stjórnendur

Hverjir eru inni

Greinar

Lífið er

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi