pardus fyrir 21 árum Fjöldi lestra: 251

"Skartgripur"

…sá fegursta hring sem ég hef nokkurn tíma séð
fyrir einu og hálfu ári síðan…
…alsettur rúbínum, smarögðum og safír
í silkimjúkri satínöskju í búðarglugga…
…leit á verðmiðann
…of mikið fyrir mig
…fór samt inn
…stal honum…

…hringurinn féll vel að breiðum baugfingri mínum
búðareigandinn hlyti að sakna hans…
…ég bar þetta gull í fjórtán yndislega mánuði
og fann hvernig aðrir störðu í öfund…
…kannski einhver steli honum?
…tók hann aldrei af mér
…passaði upp á hann
…elskaði hann…

…

…gleymdi honum eitt kvöld
þegar alkóhól tók sín völd
leitaði grátandi í angist og kvöl
tilveran missti sín lit og varð föl…

…auglýsti oft og vildi hann finna
leitinni ætlaði aldrei að linna
þar til ég sá hann á annars manns fingri
hringurinn dvaldist þar með öðru glingri…

…

…hringurinn virtist fegurri en nokkurn tíma áður
skein mun bjartar svo birtan skar í augu…
…sá hann um daginn…
…sá gimsteinanna glans
…og ég saknaði hans…

-Daníel-

Náttúrubarn, landfræðinemi, veiðimaður, ljóðskáld og alls konar manneskja.

Lynx fyrir 21 árum

Höhö ég ætla að vona að þetta sé ekki sjálfsæfisögulegt hjá þér í bókstaflegu merkingunni, Pardus ;D Góð pæling annars um þetta klassíska þema: þjófurinn treystir engum og lygarinn trúir engu. Eitthvað minnir líka á hann Gollum gamla. Fyrir utan “illur fengur, illa forgengur”. Ég er sjálf voðaleg púdda þegar kemur að setningum sem byrja á sagnorði án persónufornafns, en það er sérviska - margir sjá ekkert að því. En þetta lítur líka dáldið út eins og sundurlausar hugsanir en ekki heilar setningar þ.a. það virkar aðeins betur en annars. Það er alltaf gaman að lesa frá þér Pardus :)

Fyrra álit

pardus fyrir 21 árum

Þú ert reyndar mjöööög fjarri lagi Lynx í túlkuninni… ljóðið fjallar ekki um hring í beinni merkingu, það fjallar að vísu um djásnið mitt sem ég glataði en það fjallar ekki um hlutinn sem slíkan. Þetta fjallar um fyrrverandi kærustu mína - þá stelpu sem öll þessi ástarljóð mín síðasta eina og hálfa árið hafa fjallað um… meikar þetta þá meiri sense í þínum huga?

Náttúrubarn, landfræðinemi, veiðimaður, ljóðskáld og alls konar manneskja.

Fyrra álit

Lynx fyrir 21 árum

Ég gerði reyndar ráð fyrir því að ekki væri um raunverulegan hring að ræða ;) En sýndist óhætt að halda minni umræðu innan myndmálsins, ég er nú ekki aaalveg jafn vitlaus og ég lít út fyrir að vera…dáldið einföld stundum, en ég á mín móment… Híhíhí ;D

Fyrra álit

divaa fyrir 21 árum

Ég skil merkinguna og tilfinningin skilar sér vel í ljóðinu, þó ég fíli ekki sérstaklega hvernig þú setur það upp. Ertu búinn að breyta um stíl eða? Þetta virkar dáldið sundurlaust á mig. Segi það líka aftur eins og áður að þessir punktar á undan línunum fara í taugarnar á mér. Samt gaman að sjá ljóð sem virkilega er skrifað eftir tilfinningum, þó sorgmæddur sért.

Fyrra álit

pardus fyrir 21 árum

Takk fyrir álitið divaa :) Ástæðan fyrir sundurleysinu í ljóðinu er sú að ég vildi koma öllum þessum setningum fyrir og setti þær svona inn. Þegar ég las svo yfir þetta ákvað ég að halda þessu svona því þetta er lýsandi fyrir því hvernig mér líður líka… sundurlaus og hugsandi margt í einu. En punktarnir… ég vildi ekki að hver setning byrjaði strax þannig að ég bætti við punktunum, eins og þeir væru eins konar “hik” áður en ég kom hverri setningu frá mér…

Náttúrubarn, landfræðinemi, veiðimaður, ljóðskáld og alls konar manneskja.

Fyrra álit

divaa fyrir 21 árum

Já, ég átta mig á því, en þú bara gerir þetta í flestum ljóðunum þínum. Það á kannski við í þessu ljóði, en þetta er almennt séð ekkert sérlega fallegur stíll. En það er nú líka bara mín skoðun. Annars finnst mér flest ljóðin þín mjög góð fyrir utan þennan eina galla.

Fyrra álit

pardus fyrir 21 árum

Jaaaa… ég hef nú ekki gert mikið af þessu í síðustu ljóðum mínum, kannski fyrir 2 árum þegar ég skrifaði sem flest en ekki núna. Skoðaðu frekar þessi nýlegri (þar eru engir punktar).

Náttúrubarn, landfræðinemi, veiðimaður, ljóðskáld og alls konar manneskja.

Fyrra álit

divaa fyrir 21 árum

Ó, ok. Ég geri það við tækifæri. Ég skoðaði bara þetta því mér var bent á það. Hef ekkert verið mikið inni á ljóðum undanfarið. Hef ekki fundið hjá mér þörf fyrir að skrifa neitt og ekki beint átt erindi, ef þú skilur hvað ég á við. :)

Fyrra álit

Ljóð

Ljóð

Ofurhugar

Stjórnendur

Hverjir eru inni

Greinar

"Skartgripur"

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi