Kæru ljóðunnendur og spekingar (Og þá helst Solufegri). Ég sendi þetta ljóð inn fyrir nokkrum mánuðum en nú búin að breyta því. Spurningarnar mínar eru: Hvort þeirra er betra? Og ef seinna er betra, hvað má bæta (ef eitthvað). Takk kærlega “gang”


Svik (eldra)

Sem lífið fljúgi hjá,
er ég staldra hér við,
í nístandi kuldanum
og horfi til baka.

Man þann dag vel,
er ég með strákum
í snjónum barðist
í hetjulegu stríði.

Svo kom veruleikinn,
bankaði mig í hausinn
er móður mín líf sitt
reyndi að taka.

Ég hætti að vera drengur
og Prinsinn þá varð,
því engum ég hlýddi
í veröld svo hræðilegri.

Faðirinn ekki maður,
því hann laug, sveik,
af því hann var svo
ofboðslega hræddur.

Móðirin ekki kona,
því hún gat ei lært,
heldur aðeins vælt
og öðru fólki kennt um.

Svo einn er ég hér,
er kuldinn nartar í mig.-
Tunglið heilsar mér með
mjúkum kossi og kveður.
Stjörnurnar blikka mig bless.-
Og ég held för minni áfram,
skil eftir mig rauða slóð,
er ég geng inn í eilífðina.-


Svik (nýrra)

Sem lífið fljúgi hjá
þegar ég staldra hér við
í nístandi kuldanum
og horfi til baka.

Man vel þann dag
þegar með strákunum
barðist í hetjulegu
stríði snjónum.

En svo kom veruleikinn
og bankaði mig í hausinn
þegar móðir mín
reyndi að taka sitt líf.

Ég hætti að vera drengur
og Prinsinn varð þá,
því ég hlýddi engum
í veröld svo hræðilegri.

Faðirinn ekki manneskja,
því hann laug og sveik,
af því hann var svo
ofboðslega hræddur.

Móðirin ekki manneskja,
því hún gat ekki lært
heldur aðeins vælt
og kennt öðru fólki um.

Svo hér er ég einn
þegar kuldinn nartar í mig. -
Tunglið heilsar mér með
mjúkum kossi og kveður.
Stjörnurnar blikka mig bless. –
Og ég held för minni áfram,
skil eftir mig rauða slóð,
er ég geng inn í eilífðina. -