Hann var bara sautján
hvorki barn né maður
veruleikafirrtur ungur
strákur.

Í heimi tölvuleikja
var hann kóngur og
bestur allra dráps-
manna.

Blóðið flaut á
tölvuskjánum frá
morgni til kvölds
fuku hausar og limir
í tölvuleikjum.

Þá sjaldan hann
gerði feil var bara
að ýta á Escape og
byrja aftur í siðlausum
leik?.

“Vá er ég ekki bestur
í þessum nýja leik
klessi alla á þessar
líka flottu corvettu”.

Daginn sem hann fékk
bílpróf var hann töff
nú skildi sýna öllum
hvernig aka ætti um
stræti og torg.

Í botn var gefið
með Palla og Stínu
djöflast í stöngum
og stýrinu í brjálæði
snúið.

Með rifin maga
brotin haus og
stýrið á kaf í lungum
stundi hann upp hvar
er eiginlega ESCAPE
á þessu fjandans
mælaborði.

Of seint fyrir
Palla og Stínu
andar þeirra voru
á leið í næsta leik.