Hvað með að fá fólk til að senda inn (mánaðarlegar?) myndir af desktop-uppsetningunni sinni og velja svo úr áberandi flottustu uppsetningunum fyrsta, annað og þriðja sæti með könnun? Svo væri hægt að úthluta ýmis konar heiðursviðurkenningum fyrir áberandi öðruvísi / frumlegar uppsetningar.

Síðan væri kannski sér kubbur tileinkaður þessu eingöngu, ásamt grein sendri inn fyrsta hvern mánaðar þar sem minnst er á vinningshafa nýliðins mánaðar og tilkynningu þess efnis að nýtt tímabil sé hafið. Greininni ætti líka alltaf að fylgja skemmtilegt ávarp admin ;)

Hef samt ekki hugmynd um hvort núverandi myndasvæði ræður við það.

Allavega þætti mér fróðlegt að sjá skjáborð annarra íslenskra linux-notenda og svo má líka benda á að þegar fólk sendir inn mynd af skjáborðinu sínu koma aðrir oft auga á girnilegar nýjungar sem geta skapað skemmtilega umræðu og vonandi ýtt undir ýmis konar greinar og þess háttar.