Já, spurningin ruglaði mig líka í ríminu og fékk mig til að íhuga málfræðileg atriði og jafnvel málfarsleg atriði um stundarsakir.
“Finnst ykkur Linux vera þæginlegur?”
Ég hef alltaf hugsað um sérnafnið Linux sem hvorugkyns orð og þá kannski meira í samhenginu GNU/Linux sem stýrikerfi í heild. Fyrst fannst mér skjóta skökku við að tala um Linux í karlkyni en eftir örskamma stund taldi ég að spyrjandi hlyti eingöngu að vera að tala um kjarnann. Þá strax varð spurningin örlítið skýrari en jafnframt mun heimskulegri. Hvernig ætlast spyrjandi til að við getum borið saman þægindi opins kjarna og lokaðs kjarna og hvernig mælir maður þægindi kjarna? Dæmir maður kjarnann útfrá sjónarhorni notandans sem á helst ekki að verða var við hann, dæmir maður kjarnann sem forritari sem notast við þau föll sem kjarninn veitir manni til að skapa notendatól eða dæmir maður kjarnann útfrá sjónarhorni forritara sem þróar kjarnann? Er kannski best að dæma kjarnann sem blöndu af þessu þrennu?
Þegar stórt er spurt er oft fátt um svör og best að vera hóflega plebbalegur og slá um sig með orðafari spekings og einstaka innsláttarvillum.<br><br>–
Andreas Guðmundsson