RoyalFool fyrir 21 árum, 4 mánuðum Fjöldi lestra: 996

XBOX Live leikjaþjónustan

Nú þegar XBOX Live fer bráðum að koma til Evrópu (Prófanir eru nú þegar hafnar í Englandi, Frakklandi og Þýskalandi) datt mér í hug að gefa fólki hugmynd um hvernig þetta kerfi mun virka.

XBOX Live er netspilunarkerfi Microsoft fyrir XBOX leikjatölvuna. Í gegnum hana geturðu spilað leiki við fólk allstaðar að úr heiminum, jafnvel talað við það. Einnig verður hægt að niðurhlaða aukaefni fyrir suma leiki í gegnum þjónustuna sem mun sennilega auka líftíma þeirra að einhverju leyti, þó gegn gjaldi.

Þjónustan notast einungis við háhraðatengingar, og því nægir ekkert minna en DSL eða breiðbandstenging. Síðan nægir bara að fjárfesta í XBOX Live pakka, setja upp kerfið, skrá sig inn með kreditkorti og þá ertu svo gott sem tengdur. Hægt verður að skrá sig inn undir sérstöku notendanafni (Gamertag) sem þú munt síðan nota allstaðar í Live kerfinu, hvar sem þú ert. Ekki nóg með það, heldur er auðvelt að þagga niður í fólki sem þér finnst vera að rífa of mikinn kjaft eða að vera með dónaskap með einum takka.

Svo eru það auðvitað leikirnir, en ég mun bara nefna þá nokkru helstu sem verða spilanlegir í gegnum XBOX Live:

<a href="http://www.xbox.com/mechassault/“>MechAssault</ a>
MechAssault er byggður á BattleMech heiminum, en aðrir leikir sem eru einnig byggðir á honum eru MechWarrior leikirnir og MechCommander. Herdeildir framtíðarinnar berjast með gangandi tortímingarvélum: BatteMechs, sem geta jafnað heilu borgirnar við jörðu á örstundu.

<a href=”http://www.xbox.com/unrealchampionship/“>Unreal Championship</a>
Í raun er Unreal Championship bara XBOX útgáfa af Unreal Tournament 2003, endurbætt með öðrum persónum og borðum. Þetta er hreinræktaður skotleikur með keppnisleikjum eins og Capture the Flag, Domination 2.0 og Bombing Run.

<a href=”http://www.xbox.com/whacked/“>Whacked!</a>
Whacked! er fjölspilunarleikur sem gengur einfaldlega út á að eyða andstæðingunum með alls kyns vopnum og dóti. Keppendurnir berjast á ótal svæðum fyrir alveg ótrúleg verðlaun.

<a href=”http://www.xbox.com/midtownmadness3“>Midtown Madness 3</a>
Midtown Madness 3 er þriðji leikurinn í hinni vinsælu Midtown Madness seríu. Í þetta skipti verður hægt að keyra um götur Parísarborgar og Washington D.C.

<a href=”http://www.xbox.com/capcomvssnk/“>Capcom VS SNK 2 Online</a>
Bardagaleikur þar sem helstu persónur Capcom og SNK er fleygt í eina hrúgu og látnar berjast. Fyrir þá sem kunna ennþá að meta ”old-skool“ leiki.

<a href=”http://www.xbox.com/motogp/“>MotoGP</a>
Í MotoGP geturðu keyrt mótorhjól á tíu brautum byggðum á raunverulegum stöðum. Hægt er að bæta upp keppendurna með stigum og auka hæfileika þeirra eftir því sem líður á leikinn.

Eins og ég nefndi hér áður mun líka vera hægt að ná í aukaefni fyrir sérvalda leiki. Eftirtaldir leikir styðja þessa þjónustu:

<a href=”http://www.xbox.com/tomclancysplintercell/“>Tom Clancy’s Splinter Cell</a>
<a href=”http://www.xbox.com/toejamearl3/“>Toejam & Earl 3</a>
<a href=”http://www.xbox.com/mxsuperfly/“>MX SuperFly</a>

XBOX Live þjónustan mun hefjast í Evrópu í mars, en þá er einmitt 1. árs afmæli XBOX í Evrópu.

-RF

Heimildir og aðrir tenglar:
<a href=”http://www.xbox.com/live“>Bandarísk heimasíða XBOX Live</a>
<a href=”http://xbox.ign.com“>xbox.ign.com</a>
<a href=”http://www.teamxbox.com">Team XBOX</a

RoyalFool fyrir 21 árum, 4 mánuðum

Urg, þarna klúðraðist einn tengill. Ó, jæja.

Fyrra álit

Roggi fyrir 21 árum, 4 mánuðum

Ég hef nú ekki mikið til að kommenta á þetta, en þetta er sniðugt. Verst að svona leikjatölvu-nettengingar eiga ekkert endilega eftir að verða möguleiki á Íslandi.

Fyrra álit

skaarjking fyrir 21 árum, 4 mánuðum

þetta er bara snilld en þetta er þegar hægt með PC tölvum svo hvað er verið að gera stór mál úr þessu, Microsoft gerðu meira að segja svipaðan höfuðbúnað (bara betri)fyrir löngu SideWinder GameVoice http://microsoft.com/products/hardware/sidewinder/devic es/GV/default.asp

Fyrra álit

RoyalFool fyrir 21 árum, 4 mánuðum

“þetta er bara snilld en þetta er þegar hægt með PC tölvum svo hvað er verið að gera stór mál úr þessu, Microsoft gerðu meira að segja svipaðan höfuðbúnað (bara betri)fyrir löngu SideWinder GameVoice”

…af hverju finnst mér eins og þú hafir ekki lesið greinina?

Ég er fyrst og fremst að tala um leikjaþjónustuna sjálfa, ekki headsettið.

Fyrra álit

Kringur fyrir 21 árum, 4 mánuðum

Reyndar stendur til að Xbox live komi hingað fyrr eða síðar, Það yrði líklega samið við eitthvert fjarskiptafyrirtækið um rekstur netþjóna sem keyra þessa þjónustu og aðilar hérlendis myndu tengjast þeim, Þetta ku vera rekið af umboðsaðilum Xbox í hverju landi fyrir sig eða heimshluta eftir því hvað á við.
Takmarkandi þáttur hér hefur meira með hversu fljótt Xbox fær góða dreifingu og hversu margar seldar vélar þarf til að þetta sé líklegt að standa undir sér en trúið mér ég hef það frá afar traustum heimildum að Live kemur hingað fyrr eða seinna.

Fyrra álit

Dreitill fyrir 21 árum, 4 mánuðum

Það vantar yfirlýsingu frá umboðsaðilum um Live pakkann. Þrátt fyrir að “traustar heimildir” sé jákvætt þá hefur ekkert official komið út (ekki svo ég viti). Á meðan ekkert kemur frá þeim lít ég svo á að ekkert er að gerast í þessum efnum.
Og btw. “fyrr eða seinna” ? 0-1-2-3 ár ?

Dreitill Dropason esq.

Fyrra álit

RoyalFool fyrir 21 árum, 4 mánuðum

Reyndar getur hver sem er importað pakka frá Bandaríkjunum og sett upp XBOX Live á vélinni sinni, þar sem (A.m.k. bandarísku) diskarnir virka fyrir öll svæði. Ég veit nú þegar um svía og ástrala sem eru búnir að tengja sig við XBOX Live með bandarískum útgáfum. ;)

Fyrra álit

Roggi fyrir 21 árum, 4 mánuðum

Þá hef ég eitthvað misskilið þetta. Ég las einhvers staðar að eitthvað ljósleiðara fyrirtæki hygði ekki að lögn ljósleiðara fyrir umferð á leikjatölvu leikþjónustu. Þetta kerfivirkar kannski öðruvísi.

Fyrra álit

RoyalFool fyrir 21 árum, 4 mánuðum

Tengingar sem bjóðast almenningi hér á landi nægja alveg (ADSL 512 er fínt), þó að breiðbandstengingar og ljósleiðarar myndu að sjálfsögðu auka gagnaflutninginn umtalsvert.

Fyrra álit

Sphere fyrir 21 árum, 4 mánuðum

Góð umfjöllun.

Og svo, “niðurhlaða”….æji comon :=)

Fyrra álit

Xboxarinn fyrir 21 árum, 4 mánuðum

Mjög góð grein hjá þér RoyalFool.

XBL Gamer Tag:

Fyrra álit

akarnid fyrir 21 árum, 4 mánuðum

Góð grein. Og það er rétt, þú þarft bara aðgang. Það er að sjálfsögðu betra að vera á sama meginlandi og þessi Datacenters. Þitt val - þitt ping. En fyrir þá sem eru ekki að fara að kaupa sér aðgang að þessu, þá er til Xbconnect (www.xbconnect.com).

Fyrra álit

Dreitill fyrir 21 árum, 4 mánuðum

Nýjustu heimildir mínar eru á þá leið að þetta fari ekki af stað hérlendis fyrr en landið fari á svokallaðan lista Microsoft (eða þeirra sem stjórna Live) yfir þau lönd sem eiga að keyra þetta. Og það er ljóst að Ísland er ekki á þeim lista enn sem komið er.
Vandamálið er hins vegar það, að engar upplýsingar eru um hvort Ísland fái Live yfirhöfuð.
Nú spyr ég hinsvegar - eru umboðsaðilar á Íslandi að hamra á þessu eða sitja þeir bara á rassgatinu og bíða eftir “go” frá Microsoft (eða þeim sem stjórnar þessu) ? Það hefur sannað sig svo oft að því oftar sem þú minnir á þig, því líklegra er að þú fáir þínu framgengt. Allt spurning um drifkraft og tada:
Á H E R S L U R !!!

Dreitill Dropason esq.

Fyrra álit

illur fyrir 21 árum, 4 mánuðum

Þú skalt nú ekki vera of viss um að þetta komi…. ég fékk t.d. dreamcast fyrir ca. 3 árum og þar fylgdi netsnúra og alles en þegar ég prófaði þetta þá var þetta bara hægt í bretlandi, ítalíu o.fl. löndum. Svo eru ekki það margir sem eiga xbox hér á landi þannig að mig grunar sterklega að þeir hjá microsoft setji þetta ekki upp nema í fjölmennum löndum þar sem þeir græða mikla peninga. En annars fín grein….

<img src="

Fyrra álit

Leikjatölvur

Leikjatölvur

Ofurhugar

Stjórnendur

Hverjir eru inni

Greinar

XBOX Live leikjaþjónustan

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi