Það er reginhneyksli að Englar Alheimsins sé ekki með í könnuninni.

Svo hefði ég viljað hafa Djöflaeyjuna þarna líka. Kannski engin “óskars” mynd, en er á Topp 5 íslensku mynda listanum mínum :)

Þetta voru allt nýjar myndir, nema Sódóma og Nói (sem er þó nýleg). Það vantar myndir sem eru eldri en 3. ára þarna inn. Það sem mér finnst vanta eru t.d. þessar myndir:

Englar alheimsins: Mitt uppáhald af íslenskum kvikmyndum og það þarf eitthvað mikið að gerast til að það breytist :)

Atómstöðin: Kemur fast á eftir Englunum. Yndisleg mynd þar sem Tinna Gunnlaugsdóttir er yndisleg að vanda.

Börn náttúrunnar: Íslensk mynd sem hlaut tilnefningu til Óskarsverðlauna.

Agnes: Svo átakanleg en áhugaverð og góð mynd.

Mávahlátur: Frábært kvikmyndahandrit gert eftir frábærri skáldsögu sem er meðal minna eftirlætis skáldsagna.

Ég var eiginlega rasandi hlessa þegar ég sá að þessar myndir vantaði. Ekki það að þær sem nefndar voru eru velflestar mjög góðar myndir og þá sérstaklega þykja mér Sódóma og Veðramót frábærar. En þarna vantar eins og ég sagði áðan að minnast eldri myndanna “okkar”. Þær eru þvílíkir gimsteinar…

Ég kaus Börn. Aldrei á ævi minni hef ég séð annan eins leik í íslenskri mynd áður. Einnig virkilega afslappað handrit og söguþráðurinn frábær.

Ég kaus Börn. Hún er án efa lang besta íslenska myndin sem ég hef séð, hún hafði svo mikil áhrif á mig eitthvað.. og var sannfærandi leikin og bara flott :)

Ég horfi lítið á íslenskar myndir en ég verð að segja að Englar Alheimsins standa frekar mikið uppúr hjá mér.

ég sá aldrei börn:(

Íslenski Draumurinn fær klárlega mitt atkvæði!