Leiklistarskólaprufur!

Ég er reyndar ekki komin svona langt…
Ætla að vinna í amk eitt ár eftir framhaldsskóla (það er svo náttúrulega spurning um hvenær maður klárar hann! Svooo mikið í MH sem mig langar að læra)

En stefnan er samt helst tekin á England þegar þar að kemu

-Tinna

Fyrra álit

0

hreindisylva fyrir 16 árum

Já, ég nenni ekki að BÍÐA í eitt ár og vinna. Ég vil bara komast út sem fyrst og fara að læra og læra eitthvað leiklistartengt sem ég hef virkilegan áhuga á! En á sama tíma er ég undrandi á að þetta sé allt í einu bara AÐ gerast! Búið að vera stefnan svo lengi og svo bara er þetta að bresta á með hávaða og látum :-)

Vissulega er margt áhugavert í MH en leiklistin freistar OF mikið til að ég vilji taka aukafög í MH, ég er að klára á 7. önnum og er komin með ansi mikinn skólaleiða!

Fyrra álit

0

villingur fyrir 16 árum

Ég hef líka mikið verið að spá í þessum skólum!:) Sérstaklega Háskólanum í Gautaborg, endilega segðu mér hvernig fer hjá þér!
(Ég er að klára 2.bekk í ML í vor þannig að ég fer ekkert í háskóla fyrr en haustið 2010)

Fyrra álit

0

hreindisylva fyrir 16 árum

Gaman að rekast á annan Íslending sem langar til Gautaborgar! Á hvaða braut langar þig að fara?

Ég leyfi þér að fylgjast með!

Fyrra álit

0

villingur fyrir 16 árum

Leiklist :) og besta vinkona mín á tónsmíðanámið með píanó sem aðalhljóðfæri :)

Fyrra álit

0

hreindisylva fyrir 16 árum

Acting eða Musical Theatre?

Fyrra álit

0

villingur fyrir 16 árum

Acting held ég, þó Musical theater hljómi alveg ótrúlega spennandi.
Í hvað ætlar þú?

Fyrra álit

0

hreindisylva fyrir 16 árum

Musical Theatre.

Ég hef mikið spáð í þetta. Mig hefur alltaf langað á Musical Theatre braut en heyrði svo oft að söngleikjabrautir fengju ekki sömu virðingu á Íslandi. En svo ákvað ég að gera bara það sem MIG langar. Ég veit að ég myndi sjá eftir því að fara á Acting ef ég myndi gera það bara vegna þess að “supposedly” á að það fá meiri virðingu á Íslandi.

Svo er þetta svo skrítið, þeir leikarar sem kunna og syngja og dansa fá miklu meiri vinnu en aðrir, svona triple threar performerar, en samt vill íslenska leikhúselítan ekki að maður fari á söngleikjabraut :P

Þannig að…musical theatre it is!

Fyrra álit

0

gvendurf fyrir 16 árum

Fer samt ekki bara of mikil áhersla í söng og dans á þessari braut og þarfafleiðandi dragi tíma frá leiklistarkennslunni? Er það ekki bara það sem fer í “elítuna” á Íslandi?

Fyrra álit

0

hreindisylva fyrir 16 árum

Það er nú einmitt það sem ég held líka. Svo getur maður spurt sig…er þetta OF mikill tími sem er tekinn “af” leiklistinni og afhverju er það svona hrikalegt? Af hverju er ekki verra að nemar í pjúra leiklist fái minni raddþjálfun? Hún er nú svo ótrúlega mikilvæg, ekki bara fyrir sönginn sjálfann heldur líka fyrir raddburði í töluðu máli og öndunina sem er öllum leikurum mikilvæg sama hvort þeir eru að syngja eða tala…og dansinn, hann heldur líkamanum lifandi og í formi…sem er nauðsynlegt fyrir ALLA leikara!

Annað sem mér finnst svo skrítið, af hverju ætli það sé svona erfitt fyrir leikara, menntaðan erlendis að fá vinnu þegar hann/hún kemur aftur heim? Ég hef heyrt að það sé bara rugl erfitt! Mér finnst þetta óttalega undarlegt. Eins og það sé eitthvað verra að læra úti heldur en í þessum eina skóla sem í boði hér sem tekur inn syndsamlega fáa og ekki einu sinni á hverju ári…

Fyrir mér eru söngleikjaskólar bara frábært tækifæri fyrir þá sem geta eitthvað í öllu þrennu, þ.e. leiklist, söng og dansi, að sameina þessa þrjá þætti og fá jafna kennslu í öllu…og það að læra og búa erlendis getur ekki annað en aukið við veraldarkunnáttu og tilfinningabanka einstaklings…sumum hentar þess konar nám einfaldlega betur og guði sé lof fyrir það - þ.e. að okkur henta ekki öllum sömu hlutirnir…þá væri nú leiðinlegt að lifa…

Ég held að sumir hérna heima á Íslandi ættu bara að (afsakið orðbragðið :P) taka prikið úr #$@?! á sér og spyrja sig hvað sé svona ótrúlega frábært við okkur hérna á klakanum, afhverju vilja þeir síður erlendisfrá-menntaða triple threat-leikara?

Úff, var að lesa þetta yfir og ég hljóma ótrúlega reið og bitur but the truth is - I'm not! Mér finnst þetta bara skrítið!

Æji, annars er ég komin í 17 og hálfan hring um sjálfa mig með þetta allt saman. Það er svo misjafnt hvað fólki finnst um þetta. Auðvitað á maður að hlusta á ráð annarra, sérstaklega þeirra sem vita eitthvað um þennan “bransa” en þegar allt kemur til alls verður maður bara að hlusta á hjartað! Sammála?

Jæja, þetta var nóg af blaðri í bili…vona að ég hafi ekki gert ykkur þunglynd :P Annars finnst mér æðislegt að hafa Huga til að ræða svona hluti…og actually fá svör frá einhverjum sem eru að spá í sömu hlutum ekki bara: ,,Jájá, en frábært!" frá hinum og þessum :P

Adios…

Fyrra álit

0

gvendurf fyrir 16 árum

Já.. sko. en spurningin er bara þessi: Þú ert með tvo leikara sem báðir hafa lokið 3 árum í leiklistarskóla. Annar þeirra í Acting og hinn í Musical Theatre. Sá sem var í Musical Theater fékk þá kennslu í söng og dansi meðfram því að læra að leika og þar af leiðandi fékk hann þrisvar sinnum minni leiklistarkennslu. Svo þegar kemur að því að ráða annan þessara í leikverk þar sem hvorki er sungið né dansað verður sá sem hefur 3 ár af pjúra leiklist á bakinu klárlega fyrir valinu. Hann getur svo alveg farið í söngnám og dansnám seinna meir… Eða þetta er allavegana mín skoðun. Að leiklistin gangi fyrir og svo komi söngur og dans (sem við vitum öll að eru virkilega mikilvægir þættir í leiklistarmenningu vesturlanda…)

Annars er ég alls ekki að efast um valið þitt að fara í Musical Theatre. Það er örugglega miklu miklu miklu skemmtilegra nám (sérstaklega fyrir manneskju eins og þig) og bara.. fjölbreyttara :D Svo getur bara alveg verið að leiklistarnámið á Musical Theatre brautinni sé ekkert síðra en á Theatre brautinni svo ekki hlusta á mig þó að mín skoðun sé að leikarar þurfi fyrst og fremst góða leiklistarmenntun :)

Varðandi nám í útlöndum held ég að vandamálið stafi af því hversu MARGIR (já, ég sagði margir) leikarar útskrifast á Íslandi á hverju ári. Leiklistarlífið á Íslandi er gjörsamlega stútfullt af nýjum og nýjum leikurum sem eru búnir að fá stökkpall inn í leikhúslífið á Íslandi (með nemendaleikhúsinu ofl.) og þar af leiðandi er erfitt fyrir utanaðkomandi að koma sér inn í það… já, þú skilur mig?

og spyrja sig hvað sé svona ótrúlega frábært við okkur hérna á klakanum, afhverju vilja þeir síður erlendisfrá-menntaða triple threat-leikara?

Sko, fyrir mér snýst þetta ekkert endilega um það að okkur finnast Íslands-menntuðu leikararnir eitthvað BETRI.. málið er bara að þeir hafa fengið tækifæri til þess að leika í leikhúsinu á Íslandi (í skólanum) og plögga sér tengiliðum. Þeir sem koma frá útlöndum og segjast hafa lært geðveikt mikið í leiklist eru kannski ekki jafn velkomnir, einfaldlega vegna þess að fólk hefur ekki séð þá áður… Held ég.

Fyrra álit

0

hreindisylva fyrir 16 árum

Já, kannski það! Þetta er erfitt, fólk hefur svo hrikalega misjafnar skoðanir á þessu öllu saman…svo er kannski það flóknasta við þetta að ég veit ekkert hvað mig langar eftir skólann. Kannski langar mig bara að vera úti og halda áfram að vinna þar! Þá er FRÁBÆRT að hafa lært Musical Theatre, fyrir utan nú að það er það sem ég hef mestan áhuga á, en kannski kem ég heim og fæ bara ekkert að gera :S Einmitt af því að ég fór á Musical Theatre braut!

Svona er lífið ekki beint einfalt stundum! En maður verður bara að gera það sem maður heldur að sé rétt og hjartað segir manni og vona að það blessist allt saman einhvernveginn á endanum!

Bætt við 4. apríl 2008 - 14:39
Annars ætlaði ég alltaf að spurja þig gvendurf - ætlar þú að læra leiklist og ef svo er þá hvar og hvers konar?

Fyrra álit

0

gvendurf fyrir 16 árum

Já, ég hef stefnt í leiklistina síðan ég man eftir mér, enda ólst ég nokkurnveginn upp í leikhúsi…
Ég stefni á Leiklistarskólann á Íslandi (er það ekki bara leiklistardeild LHÍ?) eftir stúdent, þ.e. eftir 2 ár. Ég hef ekki enn fengið minnstu löngun í að fara út í leiklistarnám en ég held öllum möguleikum um áframhaldandi nám í útlöndum opnum :) Þ.e.a.s. ef ég kemst inn á Íslandi.

Annars er ég bara alveg staðráðinn í að verða leikari og ef ég kemst ekki inn á Klakanum fer ég kannski bara eitthvað út í staðinn fyrir að bíða í 2 ár :)

Fyrra álit

0

hreindisylva fyrir 16 árum

Jújú, það er bara leiklistardeild LHÍ, sem hét einu sinni Leiklistarskóli Íslands en sameinaðist svo Listaháskólanum, það gerðist í kringum svona 2003 held ég.

En hvað segirðu, af hverju ertu hálfparinn alinn upp í leikhúsi?

Það er sem sagt tekið inn í leiklistarskólann árið sem að þú klárar stúdentinn, heppni fyrir þig! Það er ekki tekið inn árið sem ég klára (næsta ár) og þá finnst mér ekki spennandi kostur að bíða í ár eftir því. Ég líka held að ég sé ekkert rosalega spennt fyrir skólanum hérna heima. Vinkona mín er á 2. ári þar og æji, ég veit ekki hvort þetta sé akkúrat námið sem hentar mér.

Fyrra álit

0

gvendurf fyrir 16 árum

Já einmitt, hélt það :)

Pabbi er leikari :) Var mikið í Þjóðleikhúsinu og stóru leikhúsunum þegar ég var svona 3-4 ára og þar til fyrir nokkrum árum. Núna er hann lítið að leika og er sjálfstætt starfandi og rekur lítinn leikhóp. Æj já, hann heitir víst Felix Bergsson..

Jáókee.. ég hef líka alveg heyrt að leiklistarnámið í LHÍ sé ekkert spes sé miðað við aðra skóla erlendis… Annars er ég svo heimakær að ég tek það að búa á Íslandi fram yfir gæði skólans. Auk þess mun mig ábyggilega bara langa til að leika á Íslandi svo, eins og þú sagðir, myndi nám í útlöndum draga úr líkum mínum til að komast inn í leikhúslífið hér á landinu :D

Fyrra álit

0

hreindisylva fyrir 16 árum

Núnú…leikarabarn. Gaman að því!

Já, ég hef heyrt að leikaranámið í LHÍ hafi tekið miklum breytingum eftir að þetta varð partur af LHÍ og þá er ég ekki að tala um breytingar til hins betra. Ég þekki tvær stelpur sem eru í skólanum og eru alsælar en allt það sem ég hef séð af þeirra verkefnum og heyrt þær tala um er því miður bara ekki fyrir mig :S

Það er nú aðalástæðan fyrir því að mig langar til útlanda…líka bara að prófa eitthvað nýtt, búa annars staðar, hugsa um mig sjálf… :D

Fyrra álit

0

Stjarna4 fyrir 16 árum

Já..ég var ekkert mjög ánægð þegar þetta var sameinað..hafði allvegana pínu áhyggjur af því. Tóku þeir ekki líka fleiri nemendur inn þegar þetta var sameinað? Eða er ég bara að rugla?

Annars hefur mig hefur alltaf langað að vita hvernig námið þarna fer fram…hvernig voru þessi verkefni sem þú sást? Veit þú veist það náttúrlega ekki allveg, en kanski bara svona cirka :P

An eye for an eye makes the whole world blind

Fyrra álit

0

villingur fyrir 16 árum

hehe.. ætli við verðum saman í bekk í framtíðinni :)

Fyrra álit

0

gvendurf fyrir 16 árum

Tja, það er spurning :)
Ef þú ætlar í leiklistarskólapufurnar eftir 2 ár og við komumst bæði inn þá já, verðum við saman í bekk :D

Fyrra álit

0

villingur fyrir 16 árum

notum leyndarmálið á þetta og þá komumst við inn.. ekkert annað að gera;)

Fyrra álit

0

gvendurf fyrir 16 árum

haha, ef þú ert að tala um “The secret” þá sorry, mér finnst það bara algjört crap og alls ekkert “leyndarmál” :)

Fyrra álit

0

Stjarna4 fyrir 16 árum

Hæhæ!

Já, ég hef óskaplega mikinn áhuga á leiklist og langar svo að læra hana! Ég mun útskrifast úr menntaskóla eftir eitt ár ef allt gengur efir.. :) Þá langar mig að fara í leiklistarskóla erlendis. (samt kanski ekki allveg strax, þarf líklega að vinna aðeins fyrst, svo langar mig líka fyrst að fara aðeins erlendis í tungumálanámskeið til að bæta tungumálakunnáttu mína..þá annaðhvort eða bæði í frönsku eða ensku)

Er ekki búin að ákveða í hvaða skóla ég ætla að sækja um. Veit þetta erfitt en ég ætla ekki að gefast upp.. :) Ef ég kemst ekki inn mun ég bara vera dugleg að sækja námskeið sem þjálfa mig betur upp í þessu.

Má ég samt spurja þig..afhverju urðu þessir skólar nákvæmlega fyrir valinu? :) Langar að vita því ég er náttúrulega ekki búin að velja mína og svona..

Úff, ég bara trúi ekki að ég eigi bara eftir tvær annir og þá byrji þetta allt!

Ég er svona..mjög spennt en samt líka skelfingu lostin eins og þú..og veit ekki allveg hvernig ég á að gera þetta :)

An eye for an eye makes the whole world blind

Fyrra álit

0

hreindisylva fyrir 16 árum

Þessir skólar segirðu…úff, það er ekki beint auðvelt að svara því en ég skal reyna!

Háskólinn í Gautaborg er efstur á lista. Ég man ekki nákvæmlega afhverju hann varð IT! En það er margt sem spilar saman í því. Svíar hafa lengi verið góðir í að gera leikhús og Háskólinn í Gautaborg er eini skólinn á Norðurlöndunum þar sem hægt er að taka BA gráðu í Musical Theatre. Íslendingar njóta sömu réttinda þar og Svíar þar sem Norðurlöndin eru opin sín á milli fyrir námsmenn. Það er því auðvelt að fá lán og styrki til að niðurgreiða námið, og fyrst skólinn og kennslan er alveg jafn góð þá er sú staðreynd að hann sé ódýrari ekki beint að skemma fyrir :P Fyrir utan nú sem Svíþjóð er yndislegt land, Gautaborg yndisleg borg og Svíar alveg frábært fólk! Mér finnst ég alltaf finna svona “heima” tilfinningu í Svíþjóð þegar ég hef farið þangað í fríum og svona. Það er góður andi þar!

Guildford og Mountview - Ef ég hef hugsað mér að fara í söngleikjaskóla þá eru þeir tveir IT í London! Mér var sagt að á lokasýningarnar þeirra færu umboðsmenn og leikstjórar að leita að hæfileikafólki framtíðarinnar og þá sér í lagi söngleikjafólki! Þess vegna eru þeir númer 2 og 3 hjá mér, Guildford nr. 2 og Mountview nr. 3.

ArtsEd er nr. 4 - Ég hef lært leiklist hjá nokkrum íslenskum leikurum menntuðum þaðan og sú tækni sem þau hafa verið að nota hentar mér vel. Það var nú svona aðalástæðan. Ég veit að þetta er skóli sem tekur Íslendingum vel og hefur reynst nokkrum Íslendingum vel. Það er alltaf gott að vita af einhverjum samlöndum sem hafa veirð í skólanum og líkað vel. Mæli með því að tjekka alltaf á því ef maður er að spá í skólum erlendis.

Ef maður er að fara í skóla erlendis og ætlar að koma heim þá held ég að það skipti ekki svo ýkja miklu máli hvaða skóla maður fer í, en ef maður er að spá í að búa eitthvað úti áfram og vinna þá er mikilvægt að velja virta og góða skóla með gott orðspor. Það er allavega eitt það fyrsta sem mér var ráðlagt að passa mig á þegar ég fór að leita ráða um þessi mál!

Fyrra álit

0

Stjarna4 fyrir 16 árum

Ok, takk fyrir gott svar! :)

Ég hef mikinn meiri áhuga á því að læra erlendis og koma síðan aftur heim til Íslands -Elska Ísland og get bara ekki hugsað mér að búa úti nema tímabundið.

Hef samt heyrt að það sé rosalega erfitt fyrir leikara að reyna að fá vinnu hérna heima eftir að hafa lært úti…En, jæja..þá gerir maður bara eitthvað annað á meðan :)

An eye for an eye makes the whole world blind

Fyrra álit

0

hreindisylva fyrir 16 árum

Ég elska líka landið mitt og ég hugsa að ég vilji koma aftur heim. Annars veit maður aldrei hvar maður stendur með það eftir nokkur ár.

Ég hlakka samt til að prófa að búa erlendis. Læra að passa mig sjálf og að kunna annað tungumál 100%. Víkka sjóndeildarhringinn…

Bætt við 5. apríl 2008 - 03:59
Og verði þér bara svarið að góðu…vona að þetta hjálpi eitthvað… :-)

Fyrra álit

0

Stjarna4 fyrir 16 árum

Já, einmitt..það þýðir heldur ekki að hafa of miklar áhyggjur af þessu. Gera bara sitt besta, svo veit maður aldrei hvað gerist :)

Ég hlakka líka til að fara erlendis. Auðviað hræðir það mig smá…en ég hlakka samt líka mjög til :)

Mér finnst alltaf gott að fá skoðannir annarra á þessu og tala við aðra sem hafa líka mikinn áhuga á leiklist :) Segðu okkur endilega hvað gerist í þessum málum..gaman að fylgjast með :)

An eye for an eye makes the whole world blind

Fyrra álit

0

hreindisylva fyrir 16 árum

Já, ég skal gera það. Líka gott að deila sinni upplifun með öðrum um leið og maður gengur í gegnum hana!

Ég er einmitt að fara til Gautaborgar að skoða skólann núna í lok mánaðarins…

Fyrra álit

0

Stjarna4 fyrir 16 árum

Ok, vá en gaman :)

An eye for an eye makes the whole world blind

Fyrra álit

0

hreindisylva fyrir 16 árum

Já, mjög spennandi. Munar öllu að fá að prófa að koma inn í skólann og labba aðeins á göngunum. Þá fær maður kannski tilfinningu fyrir skólanum…

Fyrra álit

0

Stjarna4 fyrir 16 árum

Já einmitt. Ferð þú bara á þínum eigin vegum eða eru þeir með einhverja kynningu eða?

An eye for an eye makes the whole world blind

Fyrra álit

0

Gragger fyrir 16 árum

Hvaða leiklistarskólar eru taldir þeir bestu í USA?

Fyrra álit

0

hreindisylva fyrir 16 árum

Úff, nú er ég alveg mát. Ég hef bara ekki hugmynd um hvað er best í Bandaríkjunum…því miður. Ég hef sjaldan eða aldrei spjallað við neinn sem hefur lært þar. Hey nema…Þórdís Elva Þorvaldsdóttir Bachmann lærði í Unirversity of Georgia :P Það er það eina sem ég man eftir akkúrat núna…

Prófaðu að tala við einhvern hjá Bandalagi íslenskra leikara eða eitthvað…

Fyrra álit

0

Gragger fyrir 16 árum

Heyrðu takk samt fyrir svarið, þegar ég verð búinn með framhaldsskólann þá ætla ég að fara til USA og ná mér í smá reynslu, prófa að fara í prufur og sona. Það er svo lítið um það hérna á Íslandi.
En það ætla ég að gera bara til þess að kíkja hvort ég vilji læra leiklist í framtíðinni. Skiljiði mig? Þetta er ekki galin hugmynd er það nokkuð? :)

Kveðja, Gragge

Fyrra álit

0

Leikhús

Leikhús

Ofurhugar

Stjórnendur

Hverjir eru inni

Korkar - Almennt

Leiklistarskólaprufur!

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi