Úff..ég klúðraði þessu. Ég var alltaf að gleyma textanum(enda hafði farið lítill tími í að æfa hann út af fjölda prófa) og það gerði mig hræðilega taugaóstyrkan þannig að þegar ég átti loksins að sýna þetta fyrir leikstjóranum þá gleymdi ég textanum oftar en einu sinni og oftar en tvisvar. Svo þegar ég ætlaði að bjarga mér kom bara út eitthvað samhengislaust bull sem passaði engan veginn inn í textann. Og svo til að kóróna allt saman þá lék ég voðalega illa og fór stirðlega með þann litla hluta textans sem ég kunni vegna þess að ég var stöðugt að reyna að hugsa um hvað ég átti að segja næst.

Sem sagt, mér gekk geðveikt vel og er klárlega kominn inn í leikritið:(

En ég sá marga úr mínum hóp sem ég yrði ekki hissa þótt að yrðu valdnir til að vinna með honum áfram. Ég ætla samt ekkert að vera að nefna nein nöfn þar sem ég myndi áreiðanlega gleyma einhverjum og netið er mjög vafasamur staður til að gleyma fólki.

En hvernig gekk þér og voru einhverjir efnilegir í þínum hóp?