Jæja mér datt í hug að senda hér in grein um hann Karl Malone, eins og þið vitið kannski flest tapaði hann sínum seinasta séns um dagin til þess að fá hringinn, hringinn sem hann hefur aldrei fengið þau fjölmörgu ár sem hann hefur spilað í NBA deildinni.

Karl Malone fæddist árið 1963, 24 Júlí. Hann leit sitt fyrsta dagsins ljós í Summerfield í Lousiana. Hann fór í Indiana Tech skólan og varð fljótt þekktur sem hinn ótrúlega grófi leikmaður.
Það viðurnefni fékk hann þegar hann olnbogaði mann að nafni Dave Ramer í körfuboltaleik, Ramer skaddaðist mikið á andliti og þurfti að fara í lýtaaðgerð og spilaði körfubolta aldrei aftur.
Þegar Malone var valinn til Utah Jazz var hann enn þekktur fyrir hin sömu brögð, fyrsta árið töldu 50% leikmanna hann spila heiðarlega og um 10% mjög óheiðarlega, þessi 10% áttu eftir að stækka því að eftir nokkur mjög gróf brot gat enginn verið á annari skoðun en þeirri að Malone var grófasti leikmaður deildarinnar. Einnig sögðu margir leikmenn að Malone og Stockton voru bestu leikarar deildarinnar, Malone hafði komið slæmu orði á Utah Jazz. Utah Jazz átti í vandræðum vegna leikaðferða sinna. Margir töldu að þeir náðu að komast áfram á svindli, brotum og leikaraskap, dómararnir voru á öðru máli og fékk Malone sjaldan villu á sig þegar hann gerði sín grófustu verk. Utah misstu nokkra aðdáendur sem voru á móti leik þeirra og hatursklúbbar voru stofnaðir. Dómararnir elskuðu Malone samt ennþá og dæmi um hvað hann komst upp með er þegar Malone “feikaði” bort á sér þegar PG að stærðinni 1.82 hljóp í hann, Malone þeyttist 2 metra upp í stúku, sumum fannst þetta skrýtið öðrum fannst þetta vera fyndið :) Samt má ekki gleyma því að Malone er skemmtilegur leikmaður, hann hefur staðið af sér þetta gríðarlega hatur á honum og á hann marga aðdáendur, hann er góður með boltann og getur skapað sér færi þótt að það hafi verið John Stockton sem oftast gerði það fyrir hann :D og margir segja að hann olnbogar sér að körfunni en kannski er ekki auðvelt að vera svona stór og komast í gegnum heila vörn :D

Meiðslin eftir Malone: Dave Ramer þurfti að fara í lýtaaðgerð eftir rimmu sína við Malone og spilaði aldrei aftur. Steve Nash missti næstum tönn eftir olnbogaskot Malones. Lewis Loyd þurfti sauma. Isaiah Thomas þurfti 40 sauma. Rif á Donyell Marshall brotnaði. David Robinsson rotaðist og fékk heilahristing. Joe Kleine fór í lýtaaðgerð. Shawn Bradley lá á vellinum eftir hnéspark í magan frá Malone.

Afrek: Valinn í topp 50 í sögu NBA árið 1996, Tvisvar sinnum MVP árin 96-97 og 98-99, Valinn MVP með John Stockton árið 1993 í
All-Star leik, yfir tíðina hefur hann skorað um 36.928 stig, keppti á Ólympíuleikunum árin 92 og 96 með John Stockton, á metið yfir að skora vítaköst eða 9.619 stig öðru sæti yfir að skora innan teigar.

Kannski hefði Malone frekar átt að fara í amerískan fótbolta en samt var hann góður körfubolta maður og hann og Stockton voru hið fullkomna tvíeyki á sínum tíma. Malone var mikill keppnismaður og gerir allt fyrir sigurinn, hefur sýnt það og sannað að hann getur spilað án þess að brjóta mikið á fólki. Margir voru kannski hræddir við hann en margir báru líka mikla virðingu fyrir þessum leikmanni.

Snoothe