Ef ekki væri fyrir hæpið í kringum DWade og LeBron þá væri endalaust verið að tala um hve slakur Carmelo væri auk Darko Milicic á þessu tímabili.

Vandamálið við Carmelo er hversu óþroskaður hann er. Einnig hefur hann verið gagnrýndur margoft útaf alls konar vitleysu utan vallar, t.d. kom hann fram á heimagerðri DVD mynd þar sem hann var að hrauna yfir Larry Brown fyrir að nota sig lítið með USA í sumar og þá sagðist hann hafa hent verðlaununum. Síðan lenti hann í slagsmálum á skemmtistað og var mútað. Það hefur verið mikil umræða í USA um Carmelo þar sem sumir hafa hraunað yfir hann en aðrir komið honum til hjálpar. Síðan er honum kennt um að e-u leyti um slæmt tímabili Nuggets sem og hans eigins. Á sama tíma og Carmelo og Nuggets geta ekkert þá er DWade og LeBron að spila í hæsta gæðaflokki.

Einnig var hann nýverið að trúlofast kærustu sinni sem er einhvers RnB söngkona og er víst fræg í USA. Þetta hefur áhrif, sumir þola þetta en aðrir ekki. En hann átti gott tímabil í fyrra og var frábær í háskóla þar sem hann var í 1 eða 2 tímabil. Hann er góður sóknarmaður sem getur orðið besti alhliðasóknarmaður deildarinnar vegna stærð sinnar, skothæfileika og íþróttamennsku. En hann þarf að þroskast. Hann er ekki eins og LeBron sem er undur sem þolir allt hæp sem á hann er lagt. DWade er t.d. 24 ára karlmaður sem var í háskóla og hann höndlar þetta eins og alvöru mönnum sæmir. Það er ekkert auðvelt fyrir Carmelo, sem er mikill vinur LeBron, að þurfa að þola þessa viðmiðun. Það verður bara að segjast eins og er að LeBron er margfalt betri leikmaður og miklu heilsteyptari persóna (a.m.k. virðist það).

Ef þú hefur séð Punk'd þáttinn með Carmelo (sería 3 þáttur 7 eða 8) þá er Carmelo í honum og þá sést hversu óþroskaður bjáni þetta er.