Michael Jordan skoraði sitt 30.000 stig á móti sínu gamla liði Chicago Bulls í nótt og varð þar með fjórði leikmaðurinn til þess að skora yfir 30 þúsund stig í nba deildinni. Hinir eru Wilt Chamberlain, Kareem Abdul-Jabbar og Karl Malone. Michael Jordan skoraði 19 af 29 stigum sínum í öðrum leikhluta og Washington misstu næstum því niður 26 stiga forustu í seinni hálfleik á móti Chicago Bulls en unnu þó á endanum 89-83.
Jordan skoraði aðeins fjögur stig í seinni hálfleik vegna þess að hann var með sýkingu sem gerði honum erfiðara fyrir en venjulega. Þegar það leit út fyrir að Washington væru að missa leikinn niður þegar um tvær mínútur voru eftir tók meistarinn sjálfur af skarið og skoraði úr tveimur vítaskotum og þegar 15 sekúndur voru eftir og Ron Mercer var að reyna að setja boltann ofan í með layupi þá greip Jordan boltann með báðum höndum og tryggði Washington þar með sigurinn á sínum gömlu félögum.
Þegar Jordan skoraði 30.000 stigið var leikurinn stoppaður í 30 sekúndur og áhorfendur stóðu upp og fögnuðu honum !!!!