Ég viðurkenni alveg að vera með meiri en lítinn áhuga á Futsal :)

Reyndar var ég í því að þýða Futsal-reglurnar yfir á íslensku ásamt KSÍ, þannig að ég vil stuðla að því eins og ég get að kynna Futsal-ið og einnig efla vöxt þess hérlendis.
Kynningarmótið hefur farið vel af stað, nóg hefur verið skorað af mörkum og glæsileg tilþrif hafa litið dagsins ljós í þeim þrem leikjum sem búnir eru.
Þess vegna vil ég hvetja alla sem áhuga hafa og hina líka til þess að kíkja á leik í Futsal-mótinu.
Sjálfur hef ég kíkt við á öllum þremur leikjunum hingað til (þar af dæmt einn þeirra sjálfur) og allir þeir sem ég hef talað við, jafnt leikmenn, þjálfarar sem og áhorfendur eru á einu máli um að þetta sé margfalt skemmtilegri bolti en innanhússboltinn sem leikinn er í síðasta skipti með gamla sniðinu í vetur.
Þannig að ég trúi því að Futsal sé komið til að vera og eigi einungis eftir að verða vinsælla með hverju árinu :D