Símadeildin KR-ingar mæta Vllaznia frá Albaníu í fyrstu umferð forkeppni Meistaradeildar Evrópu. Fari KR með sigur af hólmi er mótherjinn í annarri umferð tyrkneska liðið Galatasaray SK. Leikirnir við Vllaznia fara fram 11. og 18. júlí. KR var eitt af tíu liðum í sterkari flokki þeirra 20 liða sem leika í 1. umferðinni en styrkleikaflokkunin er byggð á samanlögðum árangri liða frá hverju landi undanfarin fimm ár.