Samkvæmt fregnum frá Madrid er umbinn Gustavo Mascardi kominn til borgarinnar til viðræðna við Jorge Valdano en Mascardi er umboðsmaður Hernan Crespos. Vitað er að Madridingar hafa verið að leita að nýjum sóknarmanni því þeir eru eiga erfitt með að treysta á Fernando Morientes sem hefur átt í erfiðleikum vegna meiðsla. Barcelona hefur einnig áhuga á Crespo og sama má segja um Juventus og AC Milan.
Lazio hefur verið þekkt fyrir að selja sterka menn ef vel er boðið og nú er eftir að sjá hvort Sergio Cragnotti tekur ekki tilboði upp á um 50 milljónir evra. Ólíklegt verður að telja að hinn 26 ára Crespo væri á móti flutningi því hann segist vilja spila á Spáni.