Liverpool skoðar Feyenoord-menn
Gerard Houllier var á meðal áhorfenda í Rotterdam á fimmtudagskvöldið. Þar var hann að fylgjast með þeim Brett Emerton og Robin van Persie leika með Feyenoord. Talið er að Houllier vilji fá nýja vængmenn fyrir næsta tímabil og hann ku hafa áhuga á þessum tveimur. Ástralinn Emerton hefur verið á óskalista Newcastle en Van Persie, sem er talinn einn af efnilegustu knattspyrnumönnum Hollands, hefur vakið áhuga Leedsara. Báðir áttu fínan leik þegar Feyenoord gerði 2-2 jafntefli við Inter Milan.