Þessi sameining dó fyrst og fremst á aðalatriðinu: Nafnið. Ég myndi aldrei vanvirða nafn Fjölnis eða þá sögu sem þeir hafa áunnið sér undanfarin ár, en skiljanlega var það algjört lykilatriði Íþróttafélags Fram að nafnið Fram myndi lifa áfram, enda einn elsti og merkasti klúbbur landsins. Það kom aldrei til greina hjá Frömmurum að breyta nafninu og (skiljanlega) var ekki sérlega mikill áhugi innan herbúða Fjölnismanna að spila undir fánum Fram.

Annars var Ragnar Þór, formaður Fjölnis, spurður útí möguleikan á því að þessi tvö félög myndu byggja saman leikvang í Grafarholtinu sem þau myndu svo bæði leika á í Landsbankadeildinni. Það er verkefni sem ég, sem gallharður uppalinn Frammari, myndi vera opinn fyrir. Það að deila heimavelli er kannski ekki ákjósanlegt en það myndi koma sér gríðarlega vel fjárhagslega á þessum erfiðu tímum og að sama skapi er enginn “rígur” milli félaganna annar en sá að þau leika gegn hvort öðru í Landsbankadeild Karla. Ég gæti alveg sætt mig við að deila leikvangi með Fjölnismönnum.