Snilldar fótbolti =]

Þetta eru kannski aðeins of stórir sigra

Í gær áttust við Grótta og Valur í kynningarmótinu í Futsal.
Úrslit leiksins voru 5-12 fyrir Val, en ég man ekki stöðuna í hálfleik eins og er.
Enn og aftur varð stór sigur aðallega vegna munar á þoli hjá liðunum, en leikurinn í gær var bráðspennandi og skemmtilegur. Leikurinn var jafn í fyrri hálfleik, Grótta komst yfir en Valsmenn náðu að jafna og ná forystunni fyrir hálfleik. Í seinni hálfleik náðu Valsmenn svo að auka forystuna.

Áhuginn á Futsal-mótinu fer stigvaxandi og sem dæmi um það voru um 30 áhorfendur í íþróttahúsinu á Seltjarnarnesi í gær og voru flestir á því að um miklu skemmtilegri fótbolta væri að ræða.
Eins voru þjálfarar beggja liða sáttir í leikslok hvað spilamennsku varðar og voru sammála um að í þessum leik hafi verið miklu meiri fótbolti heldur en í 1. deild karla í Íslandsmótinu innanhúss helgina áður.

Þá er önnur umferð í Futsal-kynningarmótinu búin og úrslit leikjanna voru:

Fylkir - Njarðvík 1-10 (1-5 í hálfleik)
Valur - KR 12-6 (5-5 í hálfleik)
Grótta - Fram 8-5 (5-3 í hálfleik)

Mótið fer því vel af stað, nóg er skorað af mörkum og leikirnir eru stórskemmtilegir áhorfs.

Staðan í mótinu er því:

1. Njarðvík 6 stig (2 leikir, markatala 24-5)
2. Valur 6 stig (2 leikir, markatala 24-11)
3. Fylkir 3 stig (2 leikir, markatala 10-11)
4. Grótta 3 stig (2 leikir, markatala 13-17)
5. KR 0 stig (1 leikur, markatala 6-12)
6. Víkingur R. 0 stig (1 leikur, markatala 4-14)
7. Fram 0 stig (2 leikir, markatala 6-17)