Landsliðið: Tryggvi, Guðni og Þórður fá ekki pláss Hinn umdeildi landsliðsþjálfari okkar, hann Atli Eðvaldsson tilkynnti í dag landsliðshópinn sem mætir Skotum og Litháum 12. og 16. október í undankeppni EM 2004. Þrjár breytingar eru á hópnum frá leiknum við Ungverja. Bjarni Guðjónsson hjá Stoke er kominn aftur inn í hópinn en hann er búinn að vera ógnarsterkur fyrir liðið í undanförnum leikjum. Einnig koma þeir Heiðar Helguson hjá Watford og Bjarni Þorsteinsson hjá Molde aftur inn í hópinn. Ríkharður Daðason er meiddur og verður ekki með.

Atli telur sig enn geta verið án Tryggva Guðmunds, Þórðar Guðjóns og Guðna Bergs þrátt fyrir hræðilega frammistöðu landsliðsins í síðustu 2 leikjum en gífurleg óánægja hefur verið meðal almennings í garð landsliðsþjálfarans vegna þessa. Atli á það sameiginlegt með landsliðsþjálfara Skota, Berti Vogts, að báðir eru þeir mjög umdeildir í heimalandi sínu og elska þýska boltann. Skotar mæta til leiks með frekar slakkt lið en leikmenn á borð við David Weir verða ekki með liðinu.

..::Hér er hópurinn:
Birkir Kristinsson - ÍBV
Árni Gautur Arason - Rosenborg BK
Rúnar Kristinsson - Lokeren
Hermann Hreiðarsson - Ipswich
Helgi Sigurðsson - SFK Lyn
Lárus Orri Sigurðsson - West Bromwich Albion
Brynjar Björn Gunnarsson - Stoke City FC
Heiðar Helguson - Watford FC
Arnar Þór Viðarsson - Lokeren
Eiður Smári Guðjohnsen - Chelsea FC
Bjarni Gudjonsson - Stoke City FC
Marel Baldvinsson - Stabæk IF
Jóhannes Karl Guðjónsson - Real Betis
Ívar Ingimarsson - Wolverhampton W.
Bjarni Þorsteinsson - Molde FK
Gylfi Einarsson - Lilleström SK
Haukur Ingi Guðnason - Keflavík
Hjálmar Jónsson - IFK Gautaborg