Þeir Atle Brynestad, eigandi norska félagsins Lyn, og Stuart Braxter, þjálfari liðsins, komu í gær á einkaþotu til Íslands, einvörðungu til að fylgjast með Ríkharði Daðasyni í landsleiknum gegn Búlgörum. Þeir félagar fóru þó í hálfleik, því að ekkert höfðu þeir að gera á vellinum eftir að Ríkharður var farinn af honum. Eins og kunnugt er skoraði Ríkharður mark Íslands undir lok fyrri hálfleiks, og stóð sig vel í leiknum. Ríkharður er samningsbundinn Stoke, en eins og fram hefur komið langar hann ekki mikið til að eiða öðrum vetri þar. Lyn hefur gert tilboð í kappann, sem Stoke hafnaði.