Viðtal við Eið Smára;)





Hin hliðin - Eiður Smári Guðjohnsen

Eiður Smári Guðjohnsen er fyrirliði íslenska landsliðsins og leikur einnig með ríkasta knattspyrnufélagi heims, Chelsea og hefur haldið sæti sínu í liðinu þrátt fyrir ótakmörkuð fjárráð félagsins til leikmannakaupa. Hann er án efa besti knattspyrnumaður sem við Íslendingar eigum í dag og jafnvel sá besti sem við höfum átt. Eiður Smári sýnir á sér Hina hliðina á Fótbolti.net í dag.

Fullt nafn: Eiður Smári Guðjohnsen

Gælunafn: Guddi

Aldur: 25 ennþá

Giftur/sambúð: Sambúð

Börn: Tveir strákar tveggja og sex ára

Hvað eldaðir þú síðast? Það hefur verið eitthvað létt og laggott. Nei það var einhver fiskiréttur, hörpuskelfisk og risarækjur. Það eru ábyggilega að verða tvö ár síðan.

Hvað vilt þú fá á pizzuna þína? Skinku, sveppi og Pepperoni

Hvernig gemsa áttu? Nokia veit ekki númerið á honum

Uppáhaldssjónvarpsefni? Friends

Besta bíómyndin? Snatch

Hvaða tónlist hlustar þú á? R&B

Uppáhaldsútvarpsstöð? Létt 96,7

Uppáhaldsdrykkur? Kók

Uppáhaldsvefsíða? Fótbolti.net

Ertu hjátrúarfullur fyrir leiki (ef já, hvernig þá?)? Mjög. Fer alltaf í allt vinstramegin á undan. Alltaf vinstri legghlífina, vinstri sokkinn og skó á undan hægri. Þetta er heil rútína. Fæ mér alltaf tvær tyggjóplötur í upphitun, skirpi þeim út úr mér og fæ mér aðrar tvær fyrir leik þetta er eiginlega heil rútína.

Hvernig er best að pirra andstæðinginn? Með því að skora

Hvaða liði myndir þú aldrei spila með? Fimleikafélagi Hafnarfjarðar (innsk.blm. Við hlið Eiðs sat Arnar Þór Viðarsson leikmaður Lokeren í Belgíu sem er alinn upp hjá FH.)

Hvert var átrúnaðargoð þitt á yngri árum? Arnór Guðjohnsen

Erfiðasti andstæðingur? Ég sjálfur, eða nei Sol Campbell

EKKI erfiðasti andstæðingur? Hermann Hreiðarsson

Besti samherjinn? Damien Duff

Sætasti sigurinn? Að vinna Arsenal í Champions League í fyrra.

Mestu vonbrigði? Að detta út í Champions League á móti Monaco

Uppáhalds lið í enska boltanum áður en að þú fórst að spila þar? Tottenham, sorglegt. Þetta var þegar að ég var ungur og vitlaus

Uppáhaldsknattspyrnumaður? Ronaldo og Hermann Hreiðarsson

Besti íslenski knattspyrnumaðurinn fyrr og síðar? Arnór Guðjohnsen

Efnilegasti knattspyrnumaður landsins? Arnar Þór Viðarsson, held að hann eigi mikið inni

Fallegasti knattspyrnumaðurinn í deildinni? Wayne Rooney og Francis Jeffers

Fallegasta knattspyrnukonan? Pass

Grófasti leikmaður deildarinnar? Alan Smith

Besti íþróttafréttamaðurinn? Bjarni Fel

EKKI besti íþróttafréttamaðurinn? Gaupi

Hver er mesti höstlerinn í liðinu? Birkir Kristinsson líka þekktur sem segullinn

Hefurðu skorað sjálfsmark? Nei

Segðu okkur frá skemmtilegu atviki sem gerst hefur í leik: Tryggvi Guðmundsson í yngri flokkum fékk hann gula spjaldið frá dómaranum. Hann reif spjaldið af dómaranum, spjaldaði dómarann og reif það svo í tvennt. Hann var rekinn út af í kjölfarið og var ekki sáttur. Það sýndi hans geðveiku hlið þegar að hann var yngri en hann hefur róast aðeins strákurinn.

Spilar þú Championship Manager tölvuleikinn? Nei en ég gerði það þegar að ég var yngri en núna hef ég ekki tíma í það, því miður

Hvenar lékstu þinn fyrsta leik með meistaraflokki? 15 ára með Val

Hvernig finnst þér Fótbolti.net? Besta fótboltasíða sem að ég hef séð

Kíkir þú oft á Fótbolti.net? Ég er alltaf á henni

Ef þú mættir breyta einni reglu í fótbolta, hverju myndir þú breyta? Þrjú horn í röð yrði víti

Hvern vildir þú sjá á sviði? (tónleikum) Mick Jagger

Hvað finnst þér leiðinlegast að gera á æfingu? Leikskipulag eða taktík og allt sem að er gert án bolta er leiðinlegt

Hver er uppáhaldsstaðurinn þinn í öllum heiminum? Heima er best

Hvað er frægasta persónan sem að þú ert með í farsímanum þínum? Robbie Williams

Hversu lengi ertu að koma þér í gang á morgnanna? Svona fimm mínútur

Hver er uppáhaldsÍÞRÓTTAMAÐURINN þinn? Tryggvi Guðmundsson alltaf létt yfir honum

Fyrir utan knattspyrnu, fylgist þú með öðrum íþróttum? Já já eitthvað, ekki mikið

Hver er uppáhalds platan þín? Best of Lionel Ritchie

Hvenær borgaðir þú þig síðast inn á knattspyrnuleik? Ég held að það séu svona tólf ár síðan

Í hvernig fótboltaskóm spilar þú? Adidas, Pretador

Í hverju varstu/ertu lélegastur í skóla? Smíði eða handavinnu, hef aldrei þótt handlaginn

Hvaða framherja hjá Chelsea viltu helst spila með frammi? En með íslenska landsliðinu? Alveg sama bara ef ég spila þá er ég hress

Þú ert þekktasti knattspyrnumaður okkar Íslendinga. Hvernig gengur þér að fá frið fyrir ágangi almennings hér á landi? En erlendis? Ágætlega á báðum stöðum. Kannski gefið eiginhandaráritanir stundum og lent á spjalli við fólk en ekkert áreiti svo sem

Hvað langar þig að taka þér fyrir hendur þegar knattspyrnuferlinum lýkur? Fara í forsetaframboð, sagði Eiður Smári skellihlæjandi!