Ég vil byrja á því að óska Liverpool mönnum til hamingju með dollurnar þrjár ! Það má vel vera að Liverpool liðið sé heppið og það má lika vel vera að þetta sé það sem koma skal en eitt er víst að allt þetta mun ekki liggja svona auðveldlega fyrir Liverpool á næsta ári þar sem reynslan sínir að þegar eitthvað lið vinnur svona mikið þá verði það tvisvar sinnum erfiðara á næsta ári því auðvitað leggja önnur lið sig meira fram við það að vinna lið sem hafa bikara í skápnum sínum. Ef Liverpool kemst áfram í Meistaradeildina að ári þá munu þeir væntanlega ekki leggja sig fram við að vinna Worthington bikarinn eins og þeir gerðu nú þannig að Liverpool getur gleymt því að vinna hann. Nú í Meistaradeildinni eru miklu betri lið en í UEFA cup, svona miðað við leiki Liverpool í vetur og þessa svokölluðu heppni sem Liverpool hefur notið þá held ég að Liverpool komist ekki nærri því eins langt og Man Utd, Leeds og Arsenal gerðu, Liverpool gæti lennt í riðli með þremur öðrum mjög sterkum liðum og á þessari stundu sé ég Liverpool ekki komast uppúr svoleiðis riðli því Liverpool fer í svokallað second class þegar dregið verður í Meistaradeildinni. Með second class meina ég að af því að Liverpool þarf að leika í úrsláttarkeppni áður en sjálf meistaradeildin hefst. Arsenal og Man Utd fara í first class og þegar dregið er í riðlana er first raðað saman í riðla úr first class og síðan fara þessi átta lið sem eru í second class í þessa átta riðla þar sem þegar eru komin þrjú first class lið. Ég vona að ég móðgi engann þegar ég tala um Liverpool sem Second class, en svona er þetta bara. En hins vegar þá getur svo sem vel verið að Liverpool vinni FA Cup, ómögulegt að spá um það. Hvað Enska meistaratitilinn varðar þá held ég að Liverpool gæti átt í erfiðleikum þar nema að til komi að Houllier kaupi einhverja góða menn sem geta leikið mikið án þess að meiðast, ég held að það verði erfitt að treysta á Gary mcallister þar sem hann verður nú árinu eldri. Nú svo hefur Houllier mikið verið að kvarta yfir því hve marga leiki liverpool þarf að spila og hve erfitt sé að fresta leikjum en svona er bara Enski boltinn og eitt er víst að ef Liverpool kemst í Meistaradeildina þá þarf Liverpool að spila 30 % fleiri leiki en nú í vetur. Stuðningsmenn Liverpool, ég veit að nú muni væntingar ykkar verða þær að vinna mikið á næsta ári en ef væntingarnar verða of miklar þá verður miklu sárara að horfast í augu við staðreyndir í lok tímabils. Ég vona að enginn verði móðgaður við þessa grein ég er að reyna að vera hlutlaus og svo vil ég náttúrulega óska Liverpool mönnum aftur til hamingju með sigrana alla og vil óska þeim góðs gengis á komandi leiktíð sem verður eflaust sú erfiðasta sem Liverpool hefur tekið þátt í í langan tíma.