KR og Grindavík munu mætast í öðrum undanúrslitaleik deildarbikarkeppni KSÍ. KR-ingar lögðu Framara, 1:0 í Laugardalnum í gær. Dagnogo skoraði markið. Grindvíkingar sigruðu Eyjamenn í æsispennandi leik í Reykjaneshöllinni í gær, 4:3. Í kvöld og annað kvöld kemur í ljós hvaða lið mætast í hinum undanúrslitaleiknum, en Blikar og FH-ingar eigast við í kvöld að Ásvöllum, en Skagamenn og Keflvíkingar etja kappi í Reykjaneshöllinni annað kvöld.