Slúður og slen takk fyrir og verði þér að góðu.

Enska pressan er söm við sig og allskyns slúður er í gangi. Maður trúir nú ekki alveg öllu eins og nýju neti en hinsvegar veit maður að það er innistæða fyrir öðru eins og til dæmis því – virðist vera allavega – að Birmingham þar sem Steve Bruce hefur verið að gera ótrúlega góða hluti miðað við hvað liðið spilaði ömurlega leiðinlegan bolta eftir að hann tók fyrst við, hefur boðið 7 millur í uppáhaldið mitt hann ALAN SMITH.
Vitað er að Newcastle eru búnir að bíða lengi eftir að hann losnaði en þeir tíma ekki að toppa þetta boð. Hinsvegar hafa komið fyrirspurnir frá Middlesbrough sem eru reyndar aðallega á eftir Viduka og Rangers en varla fer hann til Skotlands. Man Utd hefur líka verið að spá í kappann sem og Valencia. Bruce vill fá einhvern til að dæla boltanum inn á Forssell svo hann geti skorað enn fleiri mörk en Smith á það til að setja eitt og eitt, hefur held ég sett átta stykki í vetur.
Ég spái því að hann fari samt til Newcastle en ég vona auðvitað að hann verði um kyrrt.

Stjórnarformaður Southamton, hann Rupert Lowe, er að bíða með að bjóða Antii Niemi markmanni nýjan samning því heyrst hefur að Arsenal ætli að bjóða 5 millur í hann enda eðalfínn keeper.

Svo er auðvitað allsstaðar verið að hjakka í því að Barcelona, Real og Juventus vilji Nistelrooy en Man Utd segir að hann fari ekki baun. Samt spurning ef einhverjir bjóða 25-30 millur? Kannski Real sem selur væntanlega Carlos, Beckham og jafnvel Ronaldo og ætti þá að geta keypt einhvern þokkalegan skussa í staðinn.

Martin O´Neill stjóri Celtic er eftirsóttur og hefur verið það í mörg ár. Tottenham hefur sett hann efst á blað yfir næsta stjóra og þeir vilja líka fá Haman frá Liverpool.

Svo er sitthvað blaðrað eins og Angel vill fara að fá nýjan díl hjá Villa og vill vera þar næstu árin og svo……..
José Morinho og helstu hjálparhellur hjá Portó eru í stífum enskutímum fyrir flutninginn til Chelsea…………

Verst þetta með Smith, sjittt og sjittttttttttttt en við verðum að vinna síðustu þrjá leikina og ekkert helvítis múður.
-gong-