Höfundur Sverðdansins (Sabre Dance, á ensku) er armenska tónskáldið Aram Khachaturian. Frekar gott tónskáld, hann var í uppáhaldi hjá Sovétstjórninni sem hafði skiljanlega neikvæð áhrif á orðspor hans þegar hún féll. En hann var mjög frægur hér áður fyrr.

Vandamálið er að það er frekar erfitt að kaupa frægustu verkin á Íslandi. 12 tónar eru allir í einhverjum gleymdum barrokk meisturum og nútímaklassík (hef ekki séð svo mikið sem Beethoven sinfóníu þar í yfir hálft ár!) og deildin í Skífunni er eins og enginn hafi tekið þar til í þrjú ár. Borgarbókasafnið og Bókasafn Hafnarfjarðar eiga risastór geisladiskasöfn með öllum þessum frægu verkum. Bestu möguleikarnir sem þú átt er að taka diska þar og rippa þá í tölvuna, það er eiginlega það eina sem hægt er að gera á Íslandi í dag. Það kostar einhvern 120 kall að leigja disk í 2 vikur.

Nokkur fræg og skemmtileg grundvallarverk sem ég get bent þér á (feitletrað eru verk sem er almennt litið á sem algjört “must” og mjög reglulega á efnisskrám allra sinfóníuhljómsveita):
Sinfóníur 4, 5 og 6 og píanókonsert eftir Tchaikovsky
Sinfóníur 3, 4, 5, 6 og 9 eftir Beethoven
Píanókonsertar í a-moll eftir Schumann og Grieg
Sinfóníur 1 og 4 og fiðlukonsert eftir Brahms
Sinfóníur 25 og 40 og klarinettukonsert eftir Mozart
Óbókonsert í d-moll eftir Albinoni
Vorblótið (Le Sacre du printemps) (ballet) eftir Stravinsky
Gayane (ballet, inniheldur meðal annars sverðdansinn) eftir Khachaturian

Skífan–>klassíska deildin–>hvítu diskarnir. Hlustaðu á nocturnurnar hans Chopin. Þær eru bara bestar, það er góð ástæða fyrir því að það sé búið að ofspila þær. Og Grieg, vá… hvað Grieg semur falleg lög. OG Bartók og Dvorák, Shostakovic, Gershwin og Debussy. hlustaðu á það og þá verðurðu frelsaður.