Grieg, Chopin, Tchaicovski, Kabelevski, Bartòk, Debussy, Weber, Schumann, Schubet, Handel, Haydn og Rimsky-Korsakov svo eitthvað sé nefnt…

Ég mæli reyndar sérstaklega með Grieg. Grieg var normaður svo að hann samdi svolítið þjóðlega klassíska tónlist ef svo má að orði komast. Lögin hans eru nánast án undantekningar falleg og skemmtileg, allavega þau lög sem ég hef kynnst.

Ives! IVES!

Tónlist hans hefur sturlað mig út í dýrkun á honum.

Keyptu þér alveg endileg verkið Pláneturnar eftir Gustav Holst. Þetta verk ER bara kvikmyndatónlistin sem þú hefur verð að heyra í kvikmyndum allt þitt líf. Það er mjög merkilegt að hlusta á þetta verk og auk þess er það alveg snilldarlegt, mun frábærara en þær afbökuðu eftirmyndir sem þessi normal sinfóníska kvikmyndatónlist er.
Svo mæli ég með tónskáldi sem heitir Francis Poulenc, hann er kannski ekki frægastur en hann samdi aðgengilega og fallega tónlist, allavega á síðari hluta æfi sinnar, þann fyrri notaði hann í að hneyksla Parísarbúa með mjög nýstárlegri tónlist og klámfengnum ballet (Les Bitches).
Richard Strauss mæli ég líka með, hann er maðurinn sem samdi “Space Oddissey 2001 lagið”, það lag heitir öðru nafni Also Sprach Zarathustra og er að mínu mati frábært tónaljóð.
Áðan var minnst á Tchaikovsky og verð ég að taka undir það. Sinfóníur hans númer 1 og 6(7, sinfónía númer 6 er eiginlega númer 7 því ári eftir að hann samdi sína fimmtu sinfóníu byrjaði hann skyndilega að hata hana útaf lífinu, afturkallaði hana og reyndi að brenna öll eintök hennar) eru aðgengilegar en þó tjáningaríkar og flóknar í senn.
Stravinsky er líka eiginlega “mösst” að hlusta á því hann hafði svo mikil áhrif á önnur tónskáld (þá sérstaklega með Vorblóti (Le Sacre du Printemps) og Petrútsku (Pétrouchka)), þar að auki er hann alveg ótrúlega góður.

Tónskáldin sem ég taldi upp eru öll frekar aðgengileg og tónlistarsögulega mikilvæg. Annars er bara málið að vera óhræddur við að hlusta á eitthvað sem maður þekkir ekki og skoða sig um.
Að lokum vil ég benda þér á tvö útgáfufyrirtæki sem eru mjög pottþétt á að senda frá sér aðeins hágæða upptökur og hafa að því sem ég best veit alltaf staðið fyrir sínu. Það eru fyrirtækin Deutsche Grammophon og ECM, þau bara einhvernveginn klikka aldrei!